délayer B

Bertran retourna appertement^ sur les Navarrois et Englois et tous les François aussi, et rebouterent fort leurs ennemis et tant que ilz les poursuirent jusques à l'entrée d'une vigne, qui estoit ou plain de la valée. Et le castal et ses gens descendirent à pié de l'autre part de la vigne, et grant pièce furent les unes batailles devant les autres^. Et toutesvoies les François se mistrent premier à chemin d'aler courre seure à leurs ennemis et traversèrent la greigneur partie de la vigne. Et là ot grant bataille et durement combatue d'un costé et d'autre, et y ot une route des Englois qui passèrent sur le derrière des François, mais une grant partie des gens qui estoient en la bataille Bertran du Guesclin passèrent sur le dos de leurs ennemis et telement les dommaigerent, avec ce que ceulz qui combatoient ou front de devant combatoient bien, que les Navarrois et Englois furent desconfiz, et fut prins le castal de Beuf et furent mors presque tous les cappitaines des Englois^ qui là estoient, et furent mors et'^ prins bien vin'^ combatans, et des François y morut le viconte de Beaumont, le sire d'Ennequin, maistre des arbalestiers, le sire de Betencourt et bien de xxx à XL chevaliers et escuiers. Et fut celle bataille le jour de la Ternité, l'an mil CGC LXiii^.