dicte manque B

la ville de Pontallier et acheva grandement de sa guerre * .

Et assez tost après que le duc de Bourgoingne fut parti de devant la Charité, Lois de Navarre, qui dedens estoit, parti de la Charité et la laissa et s'en vint selon la rivière de Loire passer parmi Anjou à tout ses gens, et vint jusques en Bretaigne et parla à Jehan de Montfort et aux Englois, qui sur le pais estoient, et de là s'en ala mettre^ siège devant le chastel de Valongnes à tout bien xv cens combatans et le gaigna par siège, et s'en partirent ceulz de dedens, sauves leurs corps et leurs biens. Et de là s'en ala à Avranches et depparti grant quantité de ses gens.

Dedens brief temps après fut traitée la paix du roy de France et du roy de Navarre, et fut par la royne Blanche et par la royne Jehanne, et rendi la royne Blanche au roy de France la ville et chastel de Vernon, car il ne vouloit pas que elle le tenist, et pour ce que c'estoit un passaige sur la rivière de Saine et qu'elle estoit suer au roy de Navarre, qui pluseurs foiz lui avoit meu guerre, et en recompensacion lui bailla le chastel de Neaufifle près de Gisors et lui rendi le Neufchastel, Gournay et les appartenances.

Après celle paix faite du roy de Navarre, s'assemblèrent grans compaignies^, dont li plus estoient Englois, et de mainte autre contrée en y avoit, et moult essillierent et dommaigerent le royaume de France , et tant que le pappe getta sur eulz sentence