Ici reprend le ms

[1365] DU xiv^ SIÈCLE. 179

d'escomeniement^ moult cruelment. Mais pour ce ne se cessèrent jusques à tant^ que le pappe et le roy traitierent à eulz et leur donnèrent grant foison de deniers pour aler sur les Sarrasins, et les devoit Bertran du Guesclin conduire en l'aide du roy de Chippre. Lors alerent à Avignon et le pappe les absolit.

En cellui temps fut plainte faite au pappe du roy Piètre d'Espaigne, qui cruelment et desordonneement justiçoit et demenoit les nobles et autres de son royaume, et fut dit au pappe et au roy de France comment il^ avoit fait mourir sa femme, qui moult estoit loyale et bonne dame au record du peuple, et estoit suer de la royne de France et du duc de Bourbon , et grant temps avoit que il avoit^ voulu faire mourir son frère Henry bastart, et l'avoit chacié hors de son royaume, et pluseurs autres nobles du pais. Lequel Henry fut recueilli^ devers le roy Jehan *^ de France, et lui donna terre, et le servit long temps en sa guerre.

Quant le roy de France sceut la vérité de la mort de la royne d'Espaigne, il lui en desplut^, et lors manda à Bertran de Glaquin, que il envoiast toutes ses gens sus le roy Piètre d'Espaigne et que il aidast à Henry le bastart d'Espaigne à le faire roy d'Espaigne, lequel avoit ja commencié guerre contre le roy Piètre