ceste B

2. Texte de 5610, correspondant à la fin de ce paragraphe : En che tamps assambla Henriz li bastars grant puele et alla à siège devant le chitté de Sebille et avec Bertran de Claiequin, Ernoul d'Audrehen, mareschal de Franche, et phiiseurs gens de grandes compaignes assamblez de pluiseurs pais. En chelle chitté de Sebille estoient demourant Crestien, Juis et Sarrasin, et cascun en se partie. Estoient freméez les ruez de caines, de bailles l'un contre l'autre. Et adont estoient li Crestien de le chitté de Sebille d'acord que li chittez fust rendue à Henry, et Juis et Sarrasin se tenoient au roy Piettre. Et en y ot grand dissence en le chitté et battaille des uns contre les aultres. Et en l'eure de celle battaille une posterne fu ouverte, et par là entrèrent li Espaignot et li aultres saudoier, et y ot grant plenté de Juis et de Sarrasins ochis et pluiseurs qui se firent baptiser dusques au nombre de xnc.