Sainct Dommain B

conté d'Estuire^ pour le secours que il lui fist, et Henry le bastart fut tenu ou pais comme roy d'Espaigne. Devant Toullette arriva le roy Piètre à m lieues de la cité au Port^, et avec lui le roy de Guernade et le roy de Bellemarine à tout XL mil Sarrasins. Quant le roy Henry et Bertran du Guesclin seurent leur venue, ilz alerent contre eulz sur le Port et les desconfîrent, et y eut mort grant foison de Sarrasins, et rentrèrent les roys^ en mer à grant perte de leurs gens.

Après ala le roy Piètre à Bordeaux au prince de Gales et lui requist secours et aide pour son royaume reconquerre, afin que il se tenist de lui et de ses hoirs ensuivans, et aussi que il paieroit tous les souldoiers, (jui à son secours vendroient. A ceste requeste s'accorda le prince par le consentement du roy Edouart, son père, qui lui envoya grant foison d'Englois par mer, et les conduisoit Jehan, son filz, duc de Lenclastre de par sa femme, fille Henry de Lenclastre, conte Derbi, dont nous avons devant parlé. Moult assembla le prince d'Englois, de Galois, de Bretons et de Gascons. Et mesmes le castal de Beuf guerpi l'hommaige ^ du roy de France et la terre que il lui avoit donnée, pour aler en l'aide du prince de Gales, qui parmi le royalme de Navarre ala en Espaigne, et le consentit le roy de Navarre à passer pour le gaing que il en receut.

Quant le prince de Galles eut passé le royaume de