et en l'ommaige manque

[1367] DU xiv^ SIÈCLE. 185

point et estât, et s'en ala vers le pappe Urbain à Avignon, mais pou lui fîst de secours, car en ce temps ^ se pourveoit pour aler au siège de Romme. Lors ala le roy Henry vers le duc d'Anjou, qui le receut. Et en^ ce temps faisoit guerre le duc d'Anjou comme roy d'Arle à la royne de Naples sur la conté de Prouvence.

Après ce que le prince fut revenu d'Espaigne, s'assemblèrent pluseurs cappitaines de grant compaigne avecques Charles d'Artois, frère Jehan d'Artois, et disoit cilz Charles que il yroit conquerre la conté d'Artois^, et passèrent parmi France, Brie, Champaigne et Lannois'^ et reppererent parmi France, et ne fut onques qui bataille leur livrast.

Et avint en l'an mil CCC lxvii, en la derraine^ sepmaine de quaresme, que par toutes les contrées du royaume de France, en Alemaigne, en Espaigne^ et en pluseurs autres contrées se prist le peupple à esbair et à fuir en pluseurs parties, et mesmement ceulz qui estoient es forteresses, et ne savoient de quoy.

Après celle saison fut Bertran du Guesclin délivré^ par renson et parti de Bordeaux et ala au duc d'Anjou, qui estoit à siège devant Tarascon. Et assez tost après fut la paix faite entre le duc d'Anjou et la royne de Naples et repéra le duc d'Anjou à Toulouse.

Le roy Henry et Bertran du Guesclin recueillirent