de prison ajoute B

les ^ens d'armes que le duc avoit eus pour sa guerre mener et les menèrent en Espaigne. En ce temps estoit le roy Piètre à Sébile, et le roy Henry ala à Burs en Espaigne, et lui fut rendue sans assaut et y fut receu comme roy. Et après fut receu en pluseurs villes du royaume, si comme il fut à Burs. Adont assembla tant de gent que il pot et ala à siège devant Toilette. Et le roy Piètre ala querre secours le plus efforcieement que il pot au roy de Bellemarine et au roy de Guernade et ailleurs, tant que il eut bien xx"" * hommes. Sarrasins et autres, et ala devers Toilette. Quant le roy Henry et Bertran du Guesclin seurent la venue du roy Piètre, ilz se deslogierent le plus secrettement que ilz peurent et alerent contre le roy Piètre, et le trouvèrent où il avoit ses batailles ordonnées, sur le pendant d'une valée, là où il couroit une rivière, avecques lui grant foison d'Espaignolz et de Sarrasins, et y estoit le filz du roy de Bellemarine. Le roy Henry et Bertran du Guesciin passèrent la rivière, qui en la valée estoit, et toutes leurs gens, et lors alerent assembler au roy Piètre, qui avoit moult grans gens. Mais ilz combatirent pou, et là furent le roy Piètre et ses gens desconfiz, et bien y eut de Sarrasins et autres viii"" de^ mors^. Etdonques le roy Piètre se retrait en