fouler B

rivière du Loir, et à Rilli et au Louroux, lesqueles ilz avoient de nouvel emperées pour faire sur le pais. Le dit Bertran chevaucha tant la nuit, que il vint au point du jour prés du Pontvallain, et là cuida trouver ses ennemis, mais ilz avoient logié à Maiet, et tantost les trouva prés du chastel de la Faugue et descendirent à pié et se mistrent en belle ordonnance. Et lors descendi à pié grant foison des gens du dit Bertran , et quant ilz furent descenduz bien uf hommes d'armes, ilz alerent vers leurs ennemis pour combatre, et avoit encore moult de gens du dit Bertran derrière pour cause d'un fort pas estroit, que ilz ne povoient mie passer hastivement. En celle route qui premier ala assembler fut Mouton de Blainville, mareschal de France, et Arnoul d'Odenehan, Raoul de Raineval, Jehan de Vienne, le sire de Montauban et moult d'autres nobles chevaliers, et fut fort combatue, et furent les Englois desconfîz et presque tous mors et prins , par especial des gens d'armes fut prins Thomas de Gransson, Gieuffroy^ Orselle, Richart de Graine, David de Greine, Gilebert^ Giffart, Thomas Fillefort et grant quantité d'autres^.