Gilbert B
3. Récit du combat de Pontvallain dans 5610 : En che tamps vint à Paris Bertrans de Claiequin, et lors s'estoit demis Moriaulz de Fiennes de le connestablie de Franche, et fu Bertrans esleus connestables par le roy Charle et sen conseil. Lors poursuy Bertrans les anemys de Franche tant que vers le citté de Mans il assambla à battaille contre Thomas de Granson, qui avec luy avoit pluiseurs chevaliers à baniere et estoient bien xiic combattans. Avec Bertranz estoit Ernoulz d'Audrehem, Moutons de Blanville, mareschal de Franche, Raoul de Rainneval et pluiseurs aultres, qui assemblèrent
Après celle bataille vint Bertran du Guesclin à gésir au Mans pour y^ mettre ses prisonniers et recueillir grant foison de ses gens, qui demourez y estoient. Et quant Robert Ganolle sceut ces nouvelles, il se desloga hastivement lui et son ost par manière de grant effroy, et s'en alerent si grant erre que à merveilles ne nullement le dit Bertran ne l'eust peu aconsuivre brief, veu le grant^ travail que il avoitprins. Et toutesvoies perdi Ganole la greigneur partie de ses gens en son retrait par pluseurs places , tant en Bretaigne comme dehors, et en desconfit le sire de Glisson grant quantité à Saint Mahieu de Fine Poterne^, où ilz furent bien mors.
Et^ quant Bertran vit que Ganolle s'en aloit ainsi, il ala devant Vastz et l'assailli et^ print d'assaut. Là furent bien de m à iiii cens Englois mors et prins et plus en furent mors, et fut prins un grant banneret d'Angleterre, appelle le sire de Fieuvauter. Et de là ala à Rilli, mais les Englois ne l'osèrent atendre et fuirent
as Engles et les desconfirent. Et là fii pris Thomrnas de Granson, Gieffroy Anellay, Richars de Grene, Guillebert Guiffart, David de Grene, Thomrnas Fillefort et tant des aultres que pau en escappa, qui ne fussent mors ou pris. Et là fu grevés Ernoulz d'Audrehem de le calleur et du fais de le battaille et en prist malladie dont il morut. Et fu tenus à sen tamps pour chevalier de grant emprise et preuz et loyaulz. Apprés celle battaille parti Robers Ganolle hors du royalme et reprist Bertrans sur Engles in fortresches qu'il avoient conquis en la conté de Humainne {sic) , et y ot pluiseurs Engles ochis. Et puis retourna Bertrans à Paris et mena au roy Thommas de Granson et pluiseurs autres prisonniers.
