Gouclierel B

En ce temps s'assemblèrent grant foison d'Englois vers Touars et mistrent le siège devant Monconstor et le prindrent par traitié, et au devant avoient prinse la Roche de Posé. Lors parti Bertran de Guesclin, connestable de France, de devant Conches et laissa de ses gens devant en ii places que il avoit faites enforcier, et par l'ordonnance du roy se retrait^ vers les marches de Bretaigne. Là -^assembla grant foison de gens et se mist à chemin de venir lever le siège de devant Monconstor. Et quant il vint vers Saumur, il sceut que les Englois l'avoient prins et garny de leurs gens, et les autres s'estoient retraiz par les forteresses du pais que ilz tenoient. Et lors Bertran ala vers Monconstour, en sa compaignie Loys de Sancerre, Mouton de Blainville, mareschal de France, et^ le sire de Glisson assaillirent le dit heu de Monconstour, mais ilz n'avoient nulz arbalestiers et pour ce le faillirent à prendre.

Assez tost après fut ordonné Mouton de Blainville , mareschal de France, à aler devant Conches mettre une bastide dedens le parc de Conches, là où il avoit^ grant foison de bois et joingnoit la forest au dit parc, et de cellui costé les Englois estoient souvent refreschiz de vivres, quant le mareschal de Blainville s'i vint logier et en sa compaignie Jehan de Vienne. Et depuis fut le dit chastel bien assegié et ne demoura gueres de temps que ceulz de dedens se rendirent et s'en alerent sauvement par traitié , et y dura le siège