eulz A

"2. Ici dans A el B un petit blanc.

Quant Bertran du Guesclin sceut nouvelles que Montpaon estoit rendu, il conseilla au duc de Bourgongne et au duc de Bourbon que ilz alassent devant Ussel que les Englois tenoient. Et quant ilz furent là venuz, ilz firent la ville durement assaillir, mais elle tut faillie à prendre, et lors firent retraire leur assaut et eurent iceulz seigneurs entencion de faire assaillir l'endemain. Mais environ mienuit leur leva si merveilleux temps de froidure et de nege, que tout leiu" ost fut à si^ grant meschef que il leur convint hastivement deslogier, et avec ce avoit la plus grant partie de l'ost grant deffaut de vivres, et eurent mal temps icelle nuit et l'endemain, tant que ilz vindrent à — - Là départirent le plus de leur gent, et les seigneurs s'en revindrent en France et ceulz qui devers ces marches estoient.

Assez tost après vint mettre Bertran du Guesclin le siège devant Gonches et une bastide devant Bretueil. Ces II chasteaulz avoit donné le roy de Navarre, grant temps avoit, au castal de Beuf et faisoient icelles^ ii forteresses guerre pour le roy Edouart et par le commandement du castal , qui en fu moult blasmé de pluseurs gens, car on tenoit que il avoit eu de grans seremens au roy de France, quant il le délivra de sa prinse delà bataille deGoichereH et lui fist maint autre prouffit. Dedens Gonches estoit Archambaut de Pressi, oncle du dit castal, et moult y eut de grans saillies et escarmouches.