mai

on appelle Bernart Jourdain de Fois, lequel il cognoissoit bien, trouva li qui parle à Bordeaux, où il estoil soldoier, et li dist que il savoit un lieu où il entendoit à aler, ouquel il avoit un prieur, qui avoit assez or et argent, et que il avoit parlé à pluseurs compaignons, qui li avoient promis que aveques lui iroient là voulentiers pour en avoir, et pria à li qui parle que il y alast. Et il qui parle Tacorda et en sa compaignie se parti de Bordeaux et ala aveques lui juques à un bois appelle Donnezac. qui est à une grant journée de Bordeaux, et illeques trouvèrent pluseurs et grant quantité d'autres compaignons juques au nombre de XXV, entre lesquels estoient Fortunier de Beuf, Perrotin de Lartiga, et les autres ne scet nommer. Et quant il furent là, disnerent ou dit bois de la vitaille que il avoient apportée et puis s'en alerent touz ensemble et d'un acort en la prioré de Saint George de Resse et y arrivèrent de nuit et entrèrent oudit prioré environ xvii, et les autres demourerent dehors, dont il qui parle fu li uns de ceuls qui dehors demourerent. Et là firent grant roberie et prindrent grant quantité d'or et d'argent (jue il chargèrent sus un cheval, et l'emportèrent à Bordeaux, où il le départirent, dont il qui parle ot xx florins à l'escu, que ledit Bernart Jourdain, qui est le raaistre et chevetaine du fait, li en bailla et à chacun des autres sa partie. Et ledit Bernart en retint ce que il li plot, ne scet combien, pour ce que il estoit le maistre. Et dit que il croit bien que ceuls qui entrèrent oudit prioré lièrent le prieur et les genz de leanz. Pour ce le croit que il ne oi onques que aucun criast ne feist semblant de ce, et s'en râlèrent paisiblement.

Laquele confession leue, il dist, presens les dessusdiz monseigneur le chancelier et les autres dessus nommez, que il perseveroit en ce que il avoit dit et qui li avoit esté leu, excepté ce qu'il avoit dit du fait et de la roberie du prieur de Saint George de Resse, diseni que il ne fu pas au fait dudit prieur ne ne scet qui le fist. Et requeroit que une grâce que messires li evesques de Biauvaiz h fist seur la remission de ses melTaiz, li fust tenue et gardée.

Après ces choses, oye ladite grâce et leue et entendue icelle, dit fu que ladite grâce ne li profiteroit de rien.

Bii APPENDICE.

Si fu juigez li diz Arnaiiz par les dessuz diz seigneurs, c'est assavoir le chancelier, messire Symon de Bucy, messlre Jaque la Vache, P. de Demonville, messire Jehan de Til, messire Jehan du Chastellet, messire Jehan de Chereles, messire Bertrant des Prez, messire Guillaume d'Ambreville, Michiel de Paris, Henri Guits, Thomas Vanin, Jehan de Hangest, comme traistres en crime de lèse majesté, robeur, pilleur, murtrier et larron, à avoir la teste copée es haies et premier trayné et puis menez et penduz au gibet.

Et ainsi fu fait le semadi ensuigvant après la feste du saint Sacrement ^ .