mai

tournelle de Sainte Geneviève ou Mont de Paris, par devant monseigneur Symon de Bucy, monseigneur Jaque la Vache, maistre Pierre de Deineville, monseigneur Guillaume d' Ambleville, maistre Thomas Vanin, Guillaume Bescot, Jehan de Hangest, Pierre Hardi, Pierre de Houpelines et Thomas de la Heuse, fut leue et recolée au dessusdit Arnault Fouquaut la confession dessus escripte, laquele icelui Arnault, de sa bonne volenté, afferma par son serement estre vraie.

Item il dist oultre, après ce que li ot esté demandé qui estoient les anemis du Roy nos., lesquels il disoit que il ne nommeroit ne diroit fors à la personne du Roy nos. ou de son sanc, que il n'en savoit aucuns nommez, mais il savoit bien que au pais de Gasquoigne avoit pluseurs baliiz, prevoz et sergenz du Roy nos., qui ne se portoient pas deuement, mais prenoient sus les genz du pais autrement que il ne deussent, dont le peuple se douloit moult, et que l'on disoit communément au pais, que se le roy d'Angleterre ou aucun de son sanc venoient au pais, que pluseurs villes et chasteauls, subgez du Roy nos. et^ tourneroient pardevers lui et de sa partie, et pour ce en vouloit il qui parle aviser le Roy nos., ne autre chose ne savoit. Requis qui sont cil de qui l'en dit lesdites choses, dit que on le dit communément au pais, autrement ne le scet.

L'an mil GGGXLV, le mardi après la Trinité^, sus les quarreaux ou Ghastellet, pardevant maistre Pierre de Deineville, monseigneur Guillaume d'Ambleville, chevalier, Michaut de Paris, Thomas Vannin, Henry Guiais, Jehan de Hangest, Adam de Senz, maistre GefTroy de Malicorne, Pierres de Houpelines et Thomas de la Heuse, fu leue et recolée à Arnault Fouquaut la confession, par lui autrefoiz faite, laquele le dit Arnault de sa bonne volenté afferma icelle et les choses dedenz contenues estre vraies.

Post questiones. — Item il dit oultre et confessa, que l'année derrenierement passée, entre aoust et vendenges, si comme il li semble, autrement du jour ne du temps ne se recorde, un que