Penuchin

femme, qui fut fille au duc de Bourgongne et fut contesse de Nevers ^ ; en ce temps estoit la dame trespassée, dont Loys li ainsnez releva au roy la conté de Nevers et ne se mella plus de la guerre. Et li autres filz ot nom Robert, et fut puis nommé Robert de Gassel . Le conte envoia par ces bonnes villes gens d'armes, et le roy s'en ala au siège devant Lille à tout grant foison de gent. Et fut l'an de grâce mil deux cens quatre vings dix sept, que le roy se partit pour aler en Flandres. La royne Jehanne sa femme s'en ala en sa terre en Ghampaigne, où le conte de Bar menoit guerre pour ce que il estoit allez au conte de Flandres, et mena avec lui le duc de Lorraine, le viconte de Nerbonne, le conte de Roussy et pluseurs autres, dont le conte de Bar eut paour que sa terre ne feust perdue, si que il se rendit à la royne sans bataille faire. La royne l'envoya à Paris en prison, et s'en ala de Ghampaigne droit à Lisle, où le roy son baron estoit au siège devant.

Et en ce temps que le roy Phelippe estoit au siège devant Lisle, ala Phelippe d'Artois, filz du conte Robert d'Artois, à Betune, qui estoit à Robert de Flandres, et ceulz de la ville se rendirent au roy, et Phelippe les receut ou nom du roy. Puis s'en ala au siège à grant gent. Et tantost après vint le conte Robert d'Artois du pais de Gascongne, où il avoit guerre pour le roy de France contre le roy d'Angleterre, et avoit laissié Anry Lalemant pour maintenir guerre et pour garder aucunes forteresses, qui estoient au roy. Le conte Robert d'Artois oyt dire au siège de Lille, que il avoit Flamans et Alemans [en la ville de Furnes~], qui guerrioient