Le Rias

Et lors le roy manda au conte de Flandres, que il venist parler à lui et lui menast [Phelippe] sa filleuUe, et le conte y ala et y mena la pucelle. Quant le roy la tint, il dist qu'elle demourroit devers lui et la retint, et blasma moult le conte de ce qu'il avoit faict, et lui commanda que il vuydast de la conté de Flandres, que il avoit forfaicte, pour ce que on avoit estably en France par le noble conseil du royaume, que nul prince ne noble homme ne povoit ses en fans marier hors du royaume sans le congé du roy, et qui sans congé le faisoit, il estoit au vouloir du roy de le déshériter. Le conte ne peult trouver mercy au roy pour prière d'amys ([ue il eust, et demoura sa fille devers le roy Phelippe, car il ne vouloit mye que le mariage se feist dudit roy d'Angleterre, car il estoit ses ennemys. Et lors ot le conte de Flandres conseil d'aucuns de ses amys, que il appelleroit du roy devant le sainct père, et envoia à Romme pour fourmer l'appel. Le pape Boniface voult bien que l'appel se feist, et envoia à Paris le légat de Mêlas, qu'il dist au roy de par le sainct père que il rendist au conte de Flandres sa fille et lui laissast marier à son vouloir où il l'avoit afifiée et lui laissast sa terre paisible , et si ce ne vouloit faire , il envoiast à la court de Romme, oîi il estoit appeliez du conte de Flandres. Le roy respondit au légat que de seigneurie terrienne ne se devoit le pape mesler, et que il avoit hommes de droit pour ses hommes juger, et que à la court du pape il ne plaideroit point. Le légat s'en ala à Romme et dist au pape Boniface la response du Roy.

Le conte sceut que le roy ne cesseroit point pour l'appel. Lors manda le faict au roy d'Angleterre

[1296] DU XIV^ SIÈCLE. i

et requist aide de ses amys et fist grans aliances et assembla grant parlement. Là fut le roy d'Angleterre et le roy Ardoffles d'Alemaigne et le duc de Brabant, le duc d'Auteriche, le conte de Guérie et le conte de Juillers et^ le conte de Hollande et le conte de Bar, lequel avoit espousé la fille du roy d'Angleterre, Alienor. Pardevant ces princes que j'ay nommez et plusieurs autres, feist le conte Gui hommage au roy d'Alemaigne de la conté de Flandres, que il devoit tenir du roy de France, et le roy d'AUemaigne le receut et promist à défendre contre le roy de France. Adonc furent faites lettres de deffiance, où les allez mistrent leurs seaulz, et furent aportées au roy de France par trois abbez^, dont l'un fut de Gemblous et l'autre de Saint Andruy de Grantmont et le tiers de Saint Bavon de Gant. Après ces deffiances, le roy manda ses hommes et ses soudoiers moult efforcieement pour aler en Flandres, et le conte manda ses amys et ses allez, et envoia Guillaume son filz à Doay pour la ville garder, et avec lui le seigneur de Beux^, que on nommoit le Famelleur^ et Henry de Nasse et plusieurs de ses soudoyers. Et Guillaume, filz du conte de Flandres, eust espousée la fille Baoul, connestable de France. Après envoia le conte son ainsné filz à Lille, et mena avec lui le conte de Penton\ le conte de Casteloigne, le sire de Kux, le sire de Fauquemont et plusieurs Alemans. Gilz Robers ot deux filz de sa derreniere