et i fist li rois xi sepmaines
assaulz et saillies, car Galerant le Roux de Fauquemont yssoit souvent sur les François.
Ung" jour advint que le conte de Forest et le conte de Montbeliant et Jehan de Ghalon faisoient le guet, pour ce que ceulz de dedens ne feissent aucune saillie sur l'ost, mais quant vint à la chaleur du jour, yceulz seigneurs qui faisoient le gait et le plus de leurs gens descendirent de leurs chevaulz et baillèrent leurs bacinez à leurs paiges et leurs lances et leurs escuz et s'alerent umbroier en leurs tantes. Mais li Roux de Fauquemont sceut cel affaire par une espie, et adonc fist sa gent armer et lui aussi, et fist faire emprés le fer de sa lance un croq pour les paiges saicher jus de leurs chevaulz, et teles lances ont esté depuis appellées saichiez-boutez, dont puis firent les Flamans de ces lances. Le Roux de Fauquemont et ses gens yssirent hors aux champs et coururent sur ce appertement aux paiges et les mirent jus de leurs chevaulz. Adonc leva le cry parmy l'ost et pluseurs François coururent sur les Alemans, qui se défendirent en retraiant vers leur porte. Devant les autres s'avança le conte de Vandosme et se feri aux Alemans. Mais le Roux de Fauquemont le print et le mist sur son cheval par l'aide de ses hommes. Adonc vindrent François si efforcieement que les Alemans furent moult grevez. Le Roux de Fauquemont ne se povoit mie bien aidier pour le conte de Vandosme, dont il estoit encombrez. Adonc il le getta en un puis qui estoit en l'arsin des faulzbours, et là fut mort. Les Alemans souffrirent moult de paine, mais toutesvoies rentrèrent ilz en leur porte et gaingnerent pluseurs chevaulz, que ilz avoient devant envoiez par leurs variez. Les François saiche-
rent le conte de Vandosme tout mort hors du puis, et fut emporté eo son pais par ses hommes. Adonc fist le roy drecier grans engins aux portes et aux murs de Lille.
Une autre journée advint que les mechines de la roy ne ^ avoient fait une buée et a voient mises les napes de l'ostel du roy et de la royne aux champs, draps, linges sans buer et cuevrechiefz, et fut la buée estandue aux raiz de la Maladerie assez prés de la porte. Le Roux de B'auquemont s'arma et sa gent aussi et yssirent de la porte et des gens de pié avecques eulz. Le cry leva parmy l'ost, et ceulz qui tirent le gait du jour coururent sur les Alemans, Le sire de Fauquemont et sa gent se combatirent contre les François, et les tindrent tant que les gens de pié eussent cueillie la buée et portée à Lille, dont se retrairent les Alemans et rentrèrent ens sans perte de leurs gens.
De telles envaies, que le Roux de Fauquemont faisoit, fut le roy moult dolens et assembla son conseil, son frère, ses amis et ses princes, dont moult avoit en son ost, car il y avoit trente deux contes, le duc de Bourgongne, le duc de Bretaigne et le duc de Lorraine. Le roy demanda conseil de sa guerre, et leur dist que bien avoit oy dire que le roy Edouart d'Angleterre venoit en Flandres en l'aide du conte de Flandres, et piuseurs princes d'Alemaigne, et mesmes leur menoit le roy Ardouffle pour leur aider. Adonc parla le conte de Henaut, qui estoit nepveu au conte de Flandres, mais Robert de Flandres l'avoit moult guerroyé et grevé, et pour ce estoit allez au roy. Gel conte dist au roy, que le roy
■1. de la ville A, B. • ^ ... ,
d'Alemaigne estoit moult convoiteux, et que se il avoit aucun présent de deniers, que tost lui feroit la guerre cesser. Donc lui envoia le roy quatre sommes de deniers par Jaques de Saint Pol , qui trouva le roy Ardoufïle à Goulongne sur le Rin, et lui dist saluz de par le roy de France, qui lui prioit que il ne fust point en i'aide de ses ennemis pour lui grever, et que à son couronnement il avoit serement que il n'acroistroit point ses fiefz sur le royaume de France, et le roy de France avoit aussi juré à son sacre que il n'entreprendroit riens sur les fiefz de l'empire. Si lui prioit que il gardast bien son serement, aussi que le roy de France vouloit le sien garder. Adonc lui fist Jaques le présent, et le roy le receut moult lieement et promist que il ne se melleroit pour l'une partie ne pour l'autre. Ainsi receut grant somme de deniers de chacune partie, et pour ce meffaict l'occirent puis les parens du conte de Flandres. Jaques print congié du roy ArdouÛle et parti de Goulongne, puis revint au siège du beau roy Phelippe devant Lille, et lui compta comment le roy Ardoufïle estoit appasiez, et que il ne se mouvroit pour l'une partie ne pour l'autre.
Le roy moult liez en fut et en tint siège plus hardiement. A Lille avoit un chevalier, qui estoit aux draps Robert de Flandres et de son conseil, et le nommoit on Robert d'Aticez^ Cil Robert yssi à un vespre tout seul de Lille et s'en entra coiement es treiz et fist tant que il fut es tentes du roy et parla aux chambellans, tant que ilz le menèrent devant le Roy, et lui dist cil Robert que il lui ensaingneroit comment il pourroit
