Astiches

[1297] DU KIY*" SIÈCLE. 9

demain prendre la ville de Lille et avoir vengance de ses ennemis. Le roy demanda comment ce pourroit estre. Le chevalier dist au roy : « Sire, fait-il, faites « demain chacier une porcherie de vostre garnison « devant la porte de la Magdalene et faites armer « trois mile hommes et embucher prés, et bien scay « que le Roux de Fauquemont ystra pour celle proye « gaingner, et voz gens les suivront appertement, et « se il retourne, je tendray la porte ouverte tant que « vostre gent pourront entrer en la ville et la « prendre. » Le roy lui accorda voulentiers et manda pluseurs de ses barons et leur compta le faict et leur commanda que ilz fussent armez l'endemain aux tentes pour ce faire. Et cil lui acorderent, mais il y eut aucuns qui furent amys Robert de Flandres, qui ce fait lui mandèrent en la nuitié secrement, comment ilz dévoient estre traiz par Robert d'Atices, et que il estoit aux tentes du roy. Quant Robert sceut ce fait, il le fist scavoir à ses hommes et commanda que on envoyast l'endemain aux portes, et si tost que Robert d'Atices rentreroit, que il feust prins et amenez devant lui. L'endemain parti Robert d'Atices et ala vers la porte que on dit de Fivez ^ et bien cuida entrer ens, que on ne l'apparceust. Mais il fut prins et menez devant Robert de Flandres, qui le feist emprisonner et dist que il le feroit justicier. Les gens au roy s'embuscherent es tentes tous armés, et fîst on envoler chacier dés heure de prime une porcherie devant la porte de la Magdelaine. Mais le Roux de Fauquemont et les autres soudoiers savoient bien le fait des François,