Bourbon A, B

[]30i] DU XIV'' SIÈCLE. ^1

guerroier contre lui, non pourquant dist-il aux messaiges, que il leur pensoit briefment faire tel secours que il s'en apparcevroient bien. La royne demanda au roy : « Qui sont ces chevaliers? » et le roy lui dist : « Ce sont messagers de Flandres qui m'ont apporté « un messaige secret, dont je suis moult esbahiz. » La royne savoit bien que le roy de France estoit assegiez devant Douay. Si fut en sospeçon et fut moult désirante de savoir queles nouvelles ces chevaliers avoient aporté, et moult pria la nuit au roy que il le lui vousist dire, et le roy lui dist soutivement : « Dame, vous m'avez en convenant que ce sera celle, « car se il estoit sceu, je y auroy moût grant deshon- « neur. » Et la royne lui convenanca que bien le celeroit. « Dame, ce dist le roy, je suis moût esmer- « veillié que le roy de France, vostre frère, se fait' « tant hair de ses princes, car je say vraiement, ceulz « en qui il se fioit le doivent trahir et livrer aux Fla- « mans, et leur ont en convenant que à l'assembler de « la bataille, ilz se partiroient et leroient prendre de « ses ennemys. Et pour ce ont il envoie par devers « moy et me prier, que je leur voulsisse prester aucune « bonne forteresse par deçà la mer pour le roy garder. « Car ilz se tiennent pour tous asseurez que le roy sera « livrez en leurs mains. J'ay respondu aux messaiges « que ce ne feroye point, [car-] pour l'amour de vous, « je ne vouidroys faire au roy chose qui lui despleust. « Mais ce fait leur doy je celer sur la loyauté de mon « corps. Si vous prye, dame, que vous gardez mon « honneur. » La royne dist que si feroit elle, mais