car manque A, B

mout triste fut pour son frère. Quant le roy fut endormis, elle se leva et envoya querre un clerc par son chambellant, et fîst escripre ce que le roy lui avoit dit, puis sella et prist un messaiger et lui prya que il se hastast d'aler au siège devant Douay, et que en la propre personne et main du roy son frère, il lui baillast celle lectre et non à autre. Le messager prist le brief et se mist à voye et passa la mer, et fîst tant que il vint au siège devant Douay et trouva le beau roy Phelippe et lui bailla les lectres. Il congnut le seel et l'ouvrit, puis la leut et vit comme sa suer lui manda, que il devoit estre venduz aux Flamans par les princes de son ost, et si savoit elle bien de vray que se il se combatoit, il seroit prins. Et le roy fut mout esbahis, et se doubtoient ses princes les uns pour les autres. Dont manda le roy jour de parlement aux Flamans, et ilz lui accordèrent et y envoierent le Clerc de Julliers qui mout estoit saiges, et le roy y envoya Loys d'Evreux, son frère, pour savoir la voulenté des Flamans. Loys demanda que touz ceulz qui avoient fait la traison à Bruges feussent livrez au roy pour faire sa voulenté, et les Flamans respondirent que ils n'en bailleroient ja homme, ains se combatroient au roy. Lors failli le parlement, et revint Loys compter au roy la response des Flamans. Lors dist le roy, que les Flamans n'eussent ja si fièrement respondu et que ilz n'osassent assembler à bataille contre son povoir, se ilz n'eussent aliénée de ses princes, et que il estoit trahiz. La nuit s'en parti le roy devant le jour et toute sa gent et se deslogierent, tous esbahiz de ce que le roy s'en partoit sans combatre aux Flamans. Et ce fut par le malice du roy Audouart.

Les Flamens s'en alerenten Flandres, et le roy s'en râla en France et laissa pour garder le pais de Flandres et les forteresses Gautier de Castellon, Mile de Noiers, Fouques de Marie, et moult d'autres bons chevaliers. Ainsi demoura la chose* sans paix faire et sans trieves. •• ' . ; .

Après avint en la fin de cel an, mil ccc deux ans, par un jeudi de la sepmaine peneuse, que les Flamans passèrent le pont d'Arqués bien quarante mil et entrèrent en Artois, et les chevaliers que le roy y avoit laissez pour le pais garder et pluseurs autres chevaliers du pais s'assemblèrent. Là fut Gautier de Castellon, Miles de Noiers et Anry Lalemant, Jaques de Baionne, Bernard d'ErnaqueiF, Ameux^ de Neuville, Robert de Saint Venant et pluseurs autres. Là ot grande bataille et furent les Flamens desconfîz , et en y ot de mors douze mille, dont il y ot grant foison de noiez, car le pont d'Arqués rompi soubz eulx quant ilz s'enfuioient. •<

Assez tost après alerent les Flamans à grant ost, en l'an mil CGC et trois \ devant Lessines, qui estoit au conte de Henaut, et estoit aliez au roy de France. En ce temps revint Charles de Valois du pays de Grèce, où il avoit guerié, et mena grant gent pour aidier au roy son frère. Et Phelippe de Diète, filz au conte Guy, ala en Flandres, car ses frères l'avoient mandé pour estre chief de leur guerre , car il estoit li ainsnez, exceptez ceulz qui estoient emprisonnez.