Rabatre B; Rabstein

Normendie. Ceulz assaillirent l'ille de Guernesuy, et y ot grant bataille contre les Anglois et les desconfirent ; là fut prins le conte de Cleves , Hemars de Valence et xii*' Anglois, qui furent mors et prins. Et conquistrent les François l'ille et le chastel de Guernesy. Quant le roy d'Angleterre scut la desconfiture de Gascoingne et de Fille, du chastel et de ses honnmes, il envoya Tevesque de Nicole, le conte du SufTot, Gaultier de Mauny à mil hommes en mer, et arrivèrent en l'ille de Gagant, où il avoit ^ foison de nobles hommes de Flandres à soudoiers. Et se combatirent fort contre les Anglois, mais il furent desconfiz, et fut pris Guy, le bastard de Flandres, frère Loys, et fut mort le Diacres^ de Halouin, Jehan Demmer de Quarque^ Jehan Denmerede*, Ernoul de Bruguedant^ et touz les habitans en l'ille, et fut ce jour arce et destruitte.

Après celle desconfiture se prindrent à troubler en Flandres fort l'un contre l'autre, et prindrent à hair fort leur seigneur pour la mort d'un chevalier, nommé Sohier le Coutesien^, que le roy de France avoit fait mourir pour traison, dont le conte Loys l'avoit acusé, mais les Flamans disoient que ce estoit à tort. Et s'en révélèrent^ pluseurs et firent leur chief d'un bourgois de Gant, qui avoit esté braceur de miel, et l'appelloit on Jaques d'Artevelle. Lors furent le bailli et tous les officiers du conte chaciez hors de Gant. Et mena Jaques