pourtant B

seel. Le roy Phelippe envoia sergens en Gascoingne pour saisir le chastel dePommerel, que le roy Edouart avoit obligiez soubz son seel pour paier la debte au chevalier. Mais le chastellain, par le commandement du roy Edouart, ne voult obéir aux sergens, mais les cliaca hors du chastel. Et cil revindrent au roy Phehppe et lui comptèrent tout^ le fait. Et lui fut dit que la pourveance, que le roy Edouart faisoit, n'estoit mie pour aler sur les Sarrasins, ains estoit pour le royaume de France guerroier. Le roy Phelippe demanda jugement à sa court, sur la terre dont le roy Edouart lui avoit fait hommaige. Et lui fut jugié que forfaite l'avoit pour celle désobéissance. Le roy manda grant planté de gens d'armes pour le pais prendre à force, et les menèrent Symon d'Arquery, Raoul de Rabastre-, Le Galois de la Baume. Et le roy Edouart y envoya Robert d'Artois et pluseurs autres princes, chevaliers et archiers d'Angleterre pour les Gascoins défendre. Mais pou assemblèrent à bataille contre François, ains se tindrent à Bordeaux et en pluseurs autres forteresses. En l'aide du roy Phelippe furent avec les François le conte d'Armignac, le conte de Fois, le seneschal de Thoulouse et ceulz de Carquassonne et moult essiellerent le pais, et prindrent en ce temps par force de siège et d'assaut Blaive, Penne, Bourc [et] Plommerel. Et en ce temps que celle guerre fut en Gascoingne, s'assemblèrent François en Normendie et entrèrent en mer. Et les mena le conte de Guines et Robert Bertran, et estoient six mil hommes de France et de

i. tout manque A.