sic 5610; roy A, B

l'ellection de l'evesque de Cambray et du peuple de la cité, Jehan, duc de Normandie, fut elleu pour estre gouverneur de Cambray et envoya le conte d'Armaignac à tout cinq cens hommes d'armes pour la ville garder.

En ce temps alerent à Envers^ les aliez du roy Edouart, et parti de Brabant le dit roy d'Angleterre et entra en Hennaut. Et Guillaume de Hennaut et Jehan de Beaumont conduirent son ost jusques à Cambray, et y fîst siège en la cité en l'an de grâce mil ccc xxxviii. Assez prés de Cambray avoit un chastel, qui estoit à l'evesque Guillaume, et estoit nommé Tun l'Evesque. Le chastellain le vendit^ aux Anglois et les mist ens, dont ceulz de la cité furent moût grevez. Prés de là estoit le chastel d'Escaudeuvre, qui estoit au conte de Hennaut, et le chastel de Relengues. Pluseurs assaulz fist le roy faire à Cambray, mais rien n'y firent. Dont se parti du siège et s'en ala^ logier à l'abbaye de Vauchelles et de là au Mont Saint Martin, et fist le pais essiller et faire pluseurs assaulz, premièrement à Oisy^, à Hennecourt, à Crievecuer, à Bouchain^ et à pluseurs autres, mais rien n'y fist. Et en ce temps assembla le roy Phelippe ses gens et ses hommes moût efforcieement et ala contre le roy Edouart, qui adonc prist son chemin parmy la Teresse et fist ardoir et essillier le pais. Et le roy Phelippe le suy jusques à Burenfosses. Là cuida avoir bataille au roy Edouart, mais il se des-