Bouhan A, B
loiga et ala à Doiiay et parmy Hennaut droit à Anvers. Là donna congié à ses allez et séjourna à Anvers toute la saison jusques au nouvel temps. Et estoit avec lui la royne sa femme et ses fîlz.
Le roy Phelippe repaira en France. Et assez tost après lui mandèrent les Flamans par le conseil Jaques d'Artevelle, que il leur rendist Lille et Douay, et que les deniers, qui furent accordez et donnez pour les deux, estoient paiez, et se il ne leur rendoit les deux villes, il leur mouveroient guerre et les conquerroient bien. Quant le roy oy ces nouvelles, il envoia le conte Loys en Flandres et luy prya que il tenist ses gens paisibles à son pouvoir, parquoy ilz ne meussent point de guerre contre lui. Le conte ala en Flandres et fut receuz comme sires, mais il ne peut ses hommes tourner^ à l'accort du roy de France, ains se vouldrent traire par force à l'aide du roy Edouart. Et quant il vit le desroy, il se parti le plus tost que il peut du pais et le plus secrètement, et s'en ala au roy Phelippe son seigneur. Quant Flamans seurent la deppartie de Loys leur seigneur, ilz mandèrent le roy Edouart à Anvers, et il y ala et y mena sa femme et ses deux fîlz, dont l'un avoit esté né en cel an à Envers. A l'abbaie de Saint Bavon de Gant fut faite l'aliance du roy Edouart et des Flamans pour le roy Phelippe guerrier, par le conseil Jaques d'Artevelle. Adonc laissa Edouart sa femme et ses enffans à Gant avec le conte de Salbery, le conte de Suffot et grant foison de ses gens, et ala par mer en Engleterre pour faire grant assemblée de gent.
\. trouver A, B.
Et quant le roy Phelippe le seut, il fist assembler Hues Quieret, Nycole Bahuches et Barbevaire à xxx"" Normans et Genevois et les envoia vers l'ille de Gagant pour garder le pais, par quoy le roy Edouart ne peust aler en Flandres et aussi que marchandise n'y peust arriver.
En ce temps yssirent soudoiers de Gambray, Genevois et autres, et alerent assegier le chaste! de Escaudeuvre, mais rien n'y firent. Lors entrèrent en Hennaut et ardirent et pillierent la ville de Happie et pluseurs autres. Quant Guillaume, le conte de Hennaut, le seut, il ala à Gant pour faire aliance des Flamans avec le duc de Brabant, le duc de Guérie, le conte de JuUers et pluseurs autres, pour guerrier le roy Phelippe avec le roy Edouart.
En ce temps assembla Godemart de Fay des gens d'armes xif et parti de Tournay, dont il estoit cappitaine, et alerent assaillir et ardre le pais de Flandres jusques à Audenarde et occirent Flamans et prindrent et emprisonnèrent, et puis s'en reperierent. Quant Jaques d'Artevelle seut ce fait, il assembla des Flamans plus de XL™ et s'en ala au siège devant Tournay. Et le conte de Salbery, le conte de Suffot assemblèrent leur gent et pluseurs Flamans et s'en alerent vers Lille pour le pais fouir et assaillir. Les souldoiers et les bourgois de Lille yssirent hors contre eulz à bataille. Là furent Flamans et Anglois desconfiz, et fut prins le conte de Salbery, le conte de Suffot et pluseurs autres. Ce ^ fut fait l'an de grâce m ccc xxxix, et furent les deux prisonniers menez au roy Phelippe.
l. et A; che 5610.
Après ala Jehan, filz au roy Phelippe, assegier le chastel de Escaudeuvre et de Thun delez Cambrai, et mena grant compaignie de princes, de souldoiers et de gent de commune. Et mesmes le roy son père fut soudoier, pour ce que le chastel seoit sur les fiefz de Tempère. Jehan, vaus * de Gambresy, ala assaillir et ardoir le pays de Henaut jusques à Valenciennes et puis ala assegier les chasteaux devant diz. Assez tost après fut renduz le chastel d'Escaudeuvre^, mais cellui de Thun et cellui de Relengues se tindrent fors et endurèrent moult de fors assaulz et de merveilleux. Guillaume de Henaut manda les Flamans et tous ses alliez pour ses chasteaulz secourre. Adont y ala Jaques d'Artevelle et mena XL™ Flamans, et le duc deBrabant, le duc de Guérie, le conte de Julliers, le marquis de Branquemont^, Régnant de Beaumont, Jehan de Fauquemont et pluseurs autres. Et se logèrent prés du chastel de Escaudeuvre et de Thun, sur la rivière de l'Escaut à une rive et les François à une autre. Et fîst Jehan drecier pluseurs engins, dont il fîst moult les chasteaux dommaiger. Au temps de cest siège, alerent les François pillier et ardoir le pais Jehan de Hennaut entour Chimay et Beaumont, et Jehan ala ardoir Auventon^ et pluseurs villes en pais de Terasse. Et atendoient Flamans et Hanuers le roy d'Angleterre, qui en ce temps estoit entrez en mer à grant foison de gens. Et assembla à bataille contre François, qui gardoient le pas en mer à l'Escluse. En l'an mil CGC XL, ou mois
