proiere A

et s'estoit la dame rendue nonne après la mort de son baron et estoit abbesse de Fontenelles.

Quant le roy fut à Arraz, il envoya pluseurs de ses barons à Tournay, à Lille et à Saint Osmer pour garder le pais. Et les princes, qui alerent au roy Edouart à Gant, prindrent conseil d'aler assegier Tournay. Dont s'en alerent les princes en leur pais pour faire leurs hommes apparreiller. En ce temps que les princes et leurs gens s'appareillèrent, mena Robert d'Artois XL™ Flamans devant Saint Osmer. Là estoit le duc Eudes de Bourgongne, conte d'Artois, le conte d'Armaignac, le conte de Fauquenbergue et pluseurs barons jusques au nombre de ii"' hommes d'armes et X'" hommes à pié. Et assemblèrent en bataille contre Robert d'Artois et les Flamans en l'an mil CGC xl, le jour Saint Jaques et Saint Christofle et entre Saint Osmer et Arques. Là furent Flamans desconfiz, et y eut bien m™ mors, et perdirent tout leur charroy et leur harnois. Robert d'Artois se recueilli à Yppre et des Flamans ce que il en peut avoir, et les mena au siège devant Tournay, où le roy Edouart, le duc de Brabant, le conte de Henaut et Jaques d'Artevelle estoient, et chacun de ces princes ot o soy tant de gent que iiz peurent, tant nobles comme commune gent. Et si y avoit maint prince et maint baron d'Alemaigne et leur gent, qui estoient souldoiers et estoient en nombre de m*^ mil hommes, et firent faire pluseurs grans assaulz et merveilleux à la cité de Tournay, mais riens n'y valut.

A Tournay estoit de par le roy Phelippe le conte de Foiz, le conte de Eu, le viconte de Nerbonne, le conte de Pierregourt, Lois de Poitiers, Hemars de Poitiers,

[1340] DU XIY« SIÈCLE. 47

Godemart du Fay, Savari de Vyvonne^ et Robers Bertrans, et avoient avecques eulz vi'" hommes combatans.

A ce temps ala le roy logier o tout son ost delez le pont de Bovines, à deux lieues petites de ses ennemis. Et moult souvent s'entrencontroient les fourriers des II ostz et assembloient à bataille les uns contre les autres. Un jour avint que Régnant de Fauquemont et Jehan de Haynau- aloient fourragier vers Mons-en- Peule, et l'evesque du Liège, soudoier du roy Phelippe, les encontra. Adont assemblèrent à bataille les uns contre les autres. Là furent Anglois et Hennuyers'^ desconfiz, et y en avoit bien un cens mors et XL prisonniers. En l'autre sepmaine après ala le merquis de Julliers, soudoier du roy Edouart, vers Mons-en-Peule à v*^ hommes d'armes, et encontra Charles de Montmorency et son frère et Billebaut de Trye. Hz assemblèrent à bataille et furent François desconfiz et y avoit de mors viii''^ François, et fut prins Charles de Montmorency et Billebaut de Trie et aussi le frère dudit Charles.

Après avint en la dernière sepmaine du mois d'aoust, que le seneschal de Londres, le seneschal de Henaut, Régnant de Fauquemont et Jehan de Hainau^^ et Gautier de Maigny se partirent du siège de Tournay et chevauchèrent vers l'ost du roy Phelippe à x*^ hommes. Et trouvèrent l'evesque du Liège à demie Heue de l'ost prés du roy Phelippe et assemblèrent à lui en bataille.