Aubenton

de juing, fut celle bataille grande et merveilleuse, et moult perdirent Anglois au premier, mais ilz furent rescoux par les Flamans et furent François desconfiz. Là fut mort Hues Quierez, Nicole Bahuches, et Barbevaires en eschappa, et y ot mort xx"" Normans et x"" Genevois et x"" Anglois et xii dames d'Angleterre, que Edouart amenoit à Gant pour sa femme servir.

Après celle bataille, arriva le roy Edouard au port de l'Escluse et puis ala à Gant et manda le fait de la bataille à Jaques d'Artevelle et aux princes, qui estoient assemblez contre François.

Le fait de la bataille, qui fut en mer, fut mandé au roy Phelippe, qui en l'ost de son filz estoit, dont lui et ses hommes^ furent moult doulens pour la victoire de leurs ennemis. Et mandèrent bataille au duc Jehan, qui, par le conseil du roy son père, ordonnèrent^ François leur bataille le jour que ilz se dévoient combatre, mais leurs ennemis se deslogerent, et mesmes ceulz du chastel de Thun boutèrent le feu au chastel et s'en alerent avec leur ost. Dont fîst le roy Phelippe arraser le chastel de Thun, cellui de Relengues et cellui de Escaudeuvrc, qui leur avoient esté renduz, et puis s'en ala à Arras à tout son ost. Mais il envoya le duc d'Ataines, le viconte de Touwart" à un™ hommes fuster et ardoir le pais de Henaut. Et ceulz y alerent et ardirent Bavay et le pais d'entour jusques à Maubouges, et puis s'en repérèrent. Car le roy les manda par la prière* de sa seur, qui estoit mère au conte de Henaut,