Cappenay

XII*' hommes d'armes, et les conduisoit Le Galois de la Baume, Robert Bertran et Miles de Noiers, Quant la contesse seut que Charles s'efïorçoit de venir contre ses gens, elle les fist retraire en leurs fors et s'en ala par mer au roy Edouart, et lui dist comment son baron estoit prisonnier, et si tenoit Charles de Blois la duchic de Bretaigne par la force du duc de Normendie. Adont requist la dame grant secours au roy Edouart, et il s'i accorda, pour ce que son baron lui avoit fait hommaige de la duchié de Bretaigne. Lors assembla XL mile hommes, et les conduisoit Robert d'Artois, le conte de Salbery, le conte de Suffot, le conte de Beaufort, le baron de Stanffort'. Ceulz entrèrent en mer et leurs gens et ramenèrent la contesse de Montfort et Jehan son filz, que elle avoit menez avec- elle.

Après ce que Anglois furent entrez en mer, le roy Edouart d'Angleterre viola pai' force la femme du conte de Salbery, qui pour lui estoit aie en la guerre à son commandement.

Tant nagèrent Anglois sur mer, que ilz arrivèrent prés du port de Beauvez sur mer. Là estoit Loys d'Espaigne et Otton Doire pour garder le pais à tout X mil Genevois et pour aler en mer sur les ennemis Charles de Blois. Et bien sceurent cil la venue ^ des Anglois. Dont monta une partie de leurs gens en galies en mer, et l'autre partie demoura à terre sur le port. Quant Anglois cuiderent arriver, Genevois défendirent fort la descente. Là ot grande bataille, et entretant que les Anglois entendoient à gaigner terre, Loys d'Es-

1 . li contes du Fort et U baronz de Stanfort 5610 ; Gauflbrt A, B.