ces nouvelles A B; chil le venue

paigne et Otton Doire les assaillirent par mer a bien' Yi mil Genevois et François. Là ot bien mort m mil Anglois et le baron de Stanfort, et convint aux Anglois retraire en mer, et alerent arriver au port de Vennes et assegierent la cité.

A Vennes estoit Oliviers de Glicon, qui estoit d'une partie de la cité, et estoit cil chevalier et pluseurs autres aliez au conte de Montfort secreement et avoient fait hommaige à Gharle de Blois par trahison. A Vennes estoit^ Hervi^ de Lion, qui ce jour yssi de la cité par la porte de l'eau ^ à tout vii*^ hommes de commun, et se combatirent aux Anglois et en tuèrent bien iiii'^, et recoustrent une grant prove que il avoient forée et par force la mistrent en la cité. Une autre fois yssirent les gens de Venues, bien xii cens par le commandement Olivier de Glicon, et furent trahiz, car ainsi que ilz se combatoient, Robert d'Artois mena une partie des Anglois vers la porte de la cité et la conquistrent.

Quant les Bretons, qui estoient sailliz hors, virent que ilz ne peurent entrer en leur ville, ilz se retrairent en une forte place ^ vers la cité et mandèrent secours à Beauves sur mer et ailleurs^, tant que l'endemain, heure de prime, ilz assemblèrent bien xx mils hommes et alerent combatre aux Anglois, qui estoient sur les champs. A celle bataille perdirent Anglois terre. Quant