à Vennes A, B; au port dallez

[1342] DU XlY SIÈCLE. 57

Adont envoia le rois Edouart une partie de ses gens pour assegier* la cité de Nantes, et les conduisoit le conte de Glossestre , le conte de Guérie, le marquis de Blanquemont^ et le conte de Gleves , et bien menèrent devant la cité xx mil hommes. Et adont ala le roy Edouart devant Rennes en Bretaigne, où sa gent estoit assegié, et mena moût grant foison de gent o lui, et avecques lui ala le prince de Gales, le conte de Hantonne, le conte de Derby ^, le conte de Varvic^ le conte d'Arondel et pluseurs autres. Et laissa le conte de Norbantonne et le conte de Vicestre, l'evesque de Nicole, l'evesque de Dureme à siège devant Venncs. Par ces trois citez qui furent assegiées et par ces trois ostz, fut le pais essillié en pluseurs parties.

En l'an de grâce mil CGC xlii^, assembla le roy Phelippe son ost pour aler en Bretaigne contre le roy Edouart, et envoia devant Jehan son filz, le roy de Navarre, le conte d'Alençon, le conte de Valois^, le conte de Harecourt et pluseurs autres princes, et furent bien XL mil hommes, et alerent premier secourre la cité de Nantes. Quant les François furent prés, ilz cuiderent l'endemain avoir la bataille, mais aucuns des bourgois de Nantes cuiderent en celle nuit livrer la cité aux Anglois. Mais Miles de Noiers et pluseurs autres, qui en celle nuit faisoient le gait, les encontrerent

1. Au lieu des mots : et assega ... assegier, A et B portent Vennes et assega la cité de Nantes.

, 2. Blanquebourt 5610.