à Rennes, à Nantes, à Dinant et aiileur.s

Robert d'Artois et sa gent, qui estoient dedens la cité, virent ce, ilz^ yssirent hors et laissierent dedens v cens Anglois. Mais les Bretons, qui en la cité estoient, et les femmes mesmes les assaillirent et occirent moût de Anglois.

La bataille fut grande, où Robert d'Artois assembla contre François, Genevois et Bretons. Là furent Anglois reculez et cuida Robert d'Artois rentrer en la cité, mais il ne pot, car ses hommes estoient occis et le commun ravoit gaingnée la ville. Et fut ycellui Robert navrez moût cruelment en la bataille, que onques puis ce jour ne porta armes, ains mourut dedens brief temps après. Et nomment aucuns ycelle bataille la bataille de Morles. Ceulz de Vennes et leurs aidans rentrèrent en la cité et les autres Bretons, François et Genevois se retrairent par les forteresses du pais, où ilz estoient commis à garder.

En ce temps ardirent et essillerent les Anglois grant partie de Bretaigne, et alerent assegier Vennes o l'aide des gens du conte ^ de Montfort. Et Robert d'Artois s'en ala en Angleterre, où il mourut et fut enterrez à Cantorbie^.

Après la mort de Robert d'Artois, assembla le roy d'Angleterre ses hommes, tant comme il peut de son royaume, et des soudoiers d'Alemaigne et d'ailleurs, et s'en ala par mer en Bretaigne pour ses hommes secourre. Et arriva au port delez'' Vennes et assega la cité et la fist assaillir pluseurs fois, mais riens n'i tîst.