Même remarque que ci-dessus
[1342] DU \l\^ SIÈCLE. 59
que il le peut desconfire avant que le roy son père venist au secours. Et fut la journée de la bataille prise au jeudi d'après la Saint Martin d'iver, en l'an mil CGC XLïi. Mais le roy Phelippe se hasta tant que il vint à moutgrant gens en l'ost son filz devant la journée, qui estoit accordée de combatre et jurée par seremens. Le roy Phelippe et son filz furent ce jour sur le champ à tout leurs batailles ordonnées, et au vespre repérèrent à leurs tentes. En ce point furent ces deux ostz cinq jours sans combatre. Et en ce temps un cardinal fut envoyé de par le Saint-Pere et traita, tant que trieves furent données trois ans. Et après ces trieves données, le roy Edouart s'en ala à toutes ses gens en Angleterre, et le roy Phelippe s'en ala en France et laissa Charles de Blois duc et seigneur de toute Bretaigne Galot. Mais en Bretaigne Bretonnant avoit pluseurs forteresses, qui se tenoient avec le conte de Montfort et Jehan son filz.
Après ce que le roy de France et le roy d'Angleterre furent retraiz en leurs pais, le conte de Salbery sceut par sa femme mesmes, que elle avoit esté par force violée du roy d'Angleterre. Le conte fist son atrait et manda ses amis et s'en ala à la court du roy Edouart devant les pars et se dessaisi de sa terre par tele manière, que sa femme y prendroit son douaire sa vie durante ' . Dont se parti le conte de Salbery de la court et envoya deffier le roy Edouart, et passa la mer et vint au roy Phehppe et lui bailla les lettres de l'ahance, que Oliviers de Glicon et Godeffroy de
1. 5610 porte : de sa terre et en aherita une fille qu'il avoit, partant que se femme i prenderoit sen doaire toute se vie.
Harecourt^ avoient fait au roy Edouart. Et moût tost après se parti le conte de la court au roy Phelippe, et puis ce temps ne fut veu en France ne en Angleterre^. Adonc fu pris Olliviers de Clicon et le fist le rois décoller à Paris sur i escaffault et fîst le corps pendre à Monfaucon. Et li quiefs fu portez à Nantes en Bretaigne et fu sur le bout d'un glaive mis sur une des portes de la cité pour ce que la trahison y fu pourpensée contre son seigneur.
Godeffroy de Harecourt s'en ala par mer au roy Edouart d'Angleterre, qui le receut, et le roy le fist bannir par les quarrefours aux trompes de Paris. Quant les autres chevaliers seurent celle aventure, ilz s'assemblèrent et alerent à la dame de Clisson et lui distrent la mort de son baron. Dont assembla la dame un cens hommes d'armes parmy ses traicteurs et s'en alerent au chastel de Brest, qui adont estoit à Charles de Blois, et le gardoit li Gallois de la Heuse^ et avoit avec lui iiii^" soudoiers. Et la dame de Clisson fist ses gens embucher prés du chastel et ala vers la porte à XL hommes d'armes couvertement et requist que on la laissast entrer ens. Le chastelain l'avisa bien, mais riens ne savoit de la mort Olivier de Clisson ne de son meffait, et fist avaler le pont et ouvrir la porte pour la dame recevoir à grant joye. Quant la dame et ses gens furent ens, ilz prindrent à corner et h agaiz acourut moût tost ens. Et fut le chasteau pris et le chastellain occis, lui et tous ses souldoiers, par le
