Le nom du châtelain de Brest manque dans A et B
commandement de la dame, qui n'en voult nul respiter de mort pour prière de ses amis. Quant Charles de Blois sceut ce meffait, il assembla ses hommes moût hastivement pour secourre son chastel, mais la dame ne les traiteurs ne les sceurent atandre, ains s'en partirent du chastel et se destournerent. Adont entra la dame en mer et mena grant foison de gent pour François grever, et fîst en celle saison pluseurs marchans occire. Celle nouvelle fut ditte au roy de France, dont fut la dame bannie du royaume et fut sa terre saisie en la main du roy.
En ce temps advint que Charles aloit à Paris et o luy avoit iiif'' hommes. Les trahiteurs le gaitoient ou chemin où il estoit et saillirent à viii" hommes, mais toutesvoies furent les trahiteurs desconfîz. Là fut le sires de Malatrait prins et son filz, Thibaut de Moreillon, le sire de Laval , le sires de Avagor et des trahiteurs jusques à dix, dont il y eut vi chevaliers et iiii escuiers, que Charles mena au roy à Paris, dont aucuns furent décollez et les corps penduz par une nuit Saint Andry l'an mil CGC XLiii. Et furent les testes de ceulz qui furent mors portées à Nantes.
Au jour de Noël, tint le roy Phelippe court en son palais à Paris, et par la prière de pluseurs princes fist le roy desprisonner le conte de Montfort par tele manière, que il fist serement que en la duchié de Bretaigne jamais riens ne clameroit, ains en lairoit joir paisiblement Charles de Blois et sa femme. Mais il failli depuis de tenir ce serement, car moult tost après sa délivrance, il râla en Bretaigne et par le conseil de sa femme et d'aucuns chevaliers, il ala en Bretaigne Bretonnant, où la dame avoit pluseurs forteresses, et
assembla gens, et coururent parmy le pais et moult l'essillerent hors les forteresses. Mais briefment après le conte de Montfort trespassa et fut enterrez à Quimper-Gorentin , en l'an de grâce mil CCC XLiiii. Et moût tost après assembla à ost Charles de Blois devant Quimper-Gorentin et tant y fut que la ville fut rendue par force, et y fut prins Henry de Malatrait, lequel Henry avoit esté de la court du roy Phelippe et un des maistres de ses requestes, lequel fut pour sa trahison mené un samedi de Pasques sur un benel par les quarrefours de Paris, et puis morut en la prison de l'evesque, car il estoit clerc*.
Assez tost après manda le roy Edouart au pappe à Avignon, que il lui pleust mander au roy Phelippe, que il lui rendist le royaume de France, [le] Pontiu ^ et sa terre de Guienne, que il avoit saisie et que à tort lui touloit, et se rendre ne la vouloit, il la conquerroit à l'espée comme son heritaige. A dont envoya le pappe au roy Phelippe un patriarche pour lui monstrer ceste chose. Et le roy Phelippe respondi au patriarche, que bien et loyaument il avoit enformè les xii pers que il estoit et devoit estre roy de France par droit, et pour ce le royaume tendroit et soustendroit à son povoir
1. Texte de 5610 : et im traihiteur chevalier pris. Li unz fu li sires de Rochetresson , li seconz Guillaumes Bacons, li tiers Richars de Persy, li quars Henris de Malatrait, qui avoit esté de le court du roy de Franche et uns des maistres des requestes. Ches un chevaliers mena Charles à Paris et furent li troy decolé et leur corps pendus par i sabmedi, vegille de Pasques. Et Henriz de Malattrait fu menez sur un benel parmy les quarfours de Paris, et puiz fu rendus au vesque comme clers et morut en le chartre que on dist oubliette.
