Bertrand B
ilz ouvrirent l'autre aux Anglois et les mistrent ens, et eust esté le chastellain pris, se n'eust esté une bonne femme qui lui dist que les Anglois entroient en la ville par une autre porte. Lors il se retrahist hastivement vers son chastel et en son chemin trouva bien XL pors et en prist l'un et l'emmena traînant, et il crya par tele manere que tous les autres pors le suivirent dedens le chastel, et se recueilli sauvement, combien que il feust de moût prés suivy. Et lors le dit conte Derbi assega le dit chastel et fîst merveilleusement gecter d'angins et en pluseurs lieux miner, et lui mesmes combati en la mine pluseurs foiz, et par mine chay la grosse tour et y donna pluseurs assaulz, mais par assaulz n'y peut riens faire, de cy à tant que vivres faillirent au chastelain et à ses gens. Et adont le dit chastellain traita telement au conte Derbi, que il peust aler sauvement devers le roy Jehan, qui lors estoit duc de Normandie, quérir son secours, et que entretant ses gens peussent avoir des vivres pour leur argent pour leur souffisance. Et eut terme cinq sepmaines, et se au bout des v sepmaines il n'estoit secouru, il rendroit le chastel. Et lors le duc de Normandie estoit vers Angolesme, et neantmoins le dit chastellain au terme qui mys lui estoit* ne fut point secouru, mais rendi le chastel au terme qui mis lui estoit.
Car le duc de Normandie avoit grandement à besongner pour la ville d'Angoulesme , que il gaingna par siège, et y eut pluseurs grans saillies et escarmouches où les Anglois perdirent. Et quant il l'eut recouvrée,
\. au terme ... estoit manque A.
il tint noble feste au jour de la Ghandelleur, en l'an de grâce mil CCG xlv, et là séjourna v sepmaines^ Et après ce ala le duc Jehan à tout son ost vers Bergerat, où le conte Derbi s'estoit logiez. Et quant le dit conte Derbi sceut que les François aprouchoient, il se parti et fist son charroy mener avant. Et à ce qu'il detria, vint l'avant garde de l'ost de France, que le conte d'Eu, connestable de France, et le sire de Montmorency, mareschal, et le Galoys de la Baume, mestre des arbalestiers , conduisoient , et assemblèrent à bataille les François aux Anglois prés de Bergerat. Mais les Anglois ne la peurent souffrir et doubterent la venue du grant ost, là où il avoit bien mi mil hommes combatans, et moût de nobles seigneurs y avoit en la compagnie du duc Jehan : premier le duc de Bourgongne et Phelippe son filz, conte de Boulongne, le duc de Bourbon et Jaques son frère, le conte d'Armignac, l'evesque de Beauvaiz et l'evesque de Tournay, le conte de Fois et le conte de Monlesun, le marquis de Montferrant et pluseurs autres nobles seigneurs^. Et perdirent Anglois pluseurs de leurs gens et s'en ale-
1. Voici d'après 5610 le récit du siège d'Angoulême : Pluiseurs fois issirent Englez sur l'ost des Franchois, mais riens n'i firent et assez i perdirent, et à une issue les encacha li contes de Lille et moult les damaiga et les remist par forche en le chitté, et tant s'avancha qu'il fu pris, mais il fu rendus pour autres prisonniers. Quant li contes Derbi vit les prisonniers Franchois, il envoia au duc Jehan requerre trives m jours pour faire parlement, et li dus li ottria. Et en che tamps se partirent li contes Derbi et li Engles de le chitté, et fu rendue au duc Jehan et il entra ens et y tint noble court au jour de le Gandeler en l'an mil ccc xlv et là séjourna v sepmainez pour attendre le douche saison.
2. Cette énumération a été placée beaucoup plus haut par 5610; voir p. 68, note \.
rent droit Aguillon. Et le duc Jehan les suivy à tout son ost et prist par assaut le chastel de Montsegut ^ , puis alerent au Port Saincte Marie, et bien m cens Anglois, qui estoient dedens la ville, yssirent hors pour recueillir leurs proyes, qui estoient aux champs pour paistre. Mais messire Phelippe de Bourgongne, qui faisoit l'avant garde, leur vint courre sure, et furent les diz Anglois presque tous mors et pris, et lors se rendi la ville aux François. Et adonc s'en ala le duc Jehan assegier Aguillon. Et quant le conte Derbi le seut, il s'en parti et laissa en la ville Gautier de Maigny et Alixandre de Gaumont à tout bien xv*" combatans, et mist de ses autres gens à Tonnins et à Damesan et en pluseurs autres forteresses, que ilz tenoient sur le pais, et emmena le conte d'Arondel et le conte de Glossestre et le surplus de ses gens vers Bordeaux. Aguillon est moût forte place, et si est en une pointe entre deux rivières, dont l'une est appellée Garonne et l'autre Lot. Devant Aguillon ot pluseurs grans saillies et assauz, et y avoit un pont que avoit empris à garder Alixandre de Gaumont, lequel pont estoit moût fort et estoit séant sur la rivière de Lot. Si avint un jour, que le connestable de France et pluseurs autres seigneurs venoient de chevaucher de l'autre part de la rivière de Lot, car l'ost des François estoit logié entre deux rivières, et adont saillirent les gens Alixandre de Gaumont pour escarmoucher aux François, qui de chevaucher venoient. Et les François leur coururent sus et les rebouterent si durement, que ilz gaingnerent la forteresse du pont par force d'assaut.
l. Monsenguy 5610.
Et y fut prins Alixandre de Caumont et pluseiirs nobles hommes, et grant foison en y ot de mors. Le siège fut moût fort devant Aguillon, et y ot grant foison de gros engins getans, mais riens n'y tirent. Une journée ala chevaucher le connestable de France et prist d'assaut une forteresse nommée Miremont , et là fut mort Marteau de Baqueville, qui estoit boiteux et bon chevalier de son corps. Et en ce temps Robert de Houdetot, seneschal d'Agenois, ala asseger un chastel à une lieue de la cité d'Agin, appelle Bajamont, et avoit bien en sa compagnie iiii cens combatans. Mais à un point du jour, l'Arcediacre Durfort à tout grant foison d'Anglois lui vint courre seure, et se mist le seneschal d'Agenois en belle ordonnance, et fut la bataille grant et dure, mais François furent desconfiz et la plus part* mors et pris. Et fut prins ledit seneschal d'Agenois mont vaillamment , car onques ne se rendi, mais fut à force emmené dedens le chastel. Pluseurs rencontrées ot en ce temps des Anglois et des François sur le pais. Et lors vint en l'ost des François un grant courrot, car on dist à Phelippe de Bourgongne^ que les Anglois estoient sailliz sur le logis du duc de Normandie. Si s'arma hastivement et monta sur un courcier et fery des espérons. Et au traverser un fossé, le cheval chai si merveilleusement, que il debrisa tout, et onques puis armes ne porta, mais mourut assez tost après. Et en cel ost mourut pluseurs autres nobles hommes et plus de maladie que d'autre chose.
1. mais François descontiz et le plus en furent mors et pris A.
