fil du duc de Bourgongne

Et en ce temps fist le conte Derbi monter en mer le conte de Glossestre et le conte d'Arondel, pour querre secours au roy Edouart. Lors entrèrent les contes en mer et menèrent grant gent pour ce que ilz se doubtoient d'encontrer François, afin que ilz ne les peussent grever ne dommager. Et toutesvoies avoit il un marinier en mer, qui estoit nommez Marans, et avoit o lui bien m cens combatans, qui s'aventuroient pour grever Anglois^ Et conquist ce Marans sur le conte d'Arondel une nef, où moût avoit de richesses et XL 2 hommes, qui tous furent occis. Les contes arrivèrent en Engleterre et alerent au roy Edouart compter les aventures de Gascongne, et lui distrent que le conte Derbi ne povoit contrester contre le povoir du duc Jehan de Normandie, se il n'avoit secours. Quant le roy Edouart oy ces nouvelles, il assembla ses princes et ses hommes, tant que il en pot avoir, et entra en mer pour aler en Gascongne, mais le vent les detria. Ainsi comme le navire du roy Edouart aloit par mer, Marans y vint et conquist cinq^ nefs anglesches vers l'ille de Guernesi et mist à mort tous les Anglois, qui dedens estoient. Quant le roy Edouart le sceut, il envoya Godeffroy de Harecourt et Régnant de Gobehan , son mareschaH, en l'ille de Guernesi assaillir le chastel Cornet, et ils y alerent et firent moût fort assaut. Longuement se deffendirent les François, qui estoient cinq cens combatans, et leur chastellain estoit bon chevalier et preudomme et estoit nommez Nicoles