Vetesme

ala de sa gent jusques devant Rouen et passa par Louviers, et lut arse et fourrée, car desclose estoit*. Et envoya le roy Edouart au Pont de l'Arche pour assaillir la ville, mais il y avoit des gens grant quantité, par quoy assaillir ne l'osèrent et se retrairent-. Adonc se parti l'ost des Anglois pour aler vers Paris et ardirent et essillierent le pais sur la rivière de Saine. Et le roy Phelippe chevaucha à tout son ost de l'autre part de la rivière. Tant ala le roy Edouart, que il se loga à Poissy l'abbaye des Dames, à vi lieues de Paris, et le roy Phelippe lui demanda et requist bataille par l'evesque de Meaulz, et le roy Edouart lui octria à estre au jeudi ensuivant, en une place entre Paris et le Vaugirart. Et quant le roy Phelippe le sceut, il ala à Paris à tout son ost pour passer la rivière de Saine, et s'en ala loger à Antourgny ^ , assez prés de la place où la bataille devoit estre l'andemain. Mais en celle nuit, le roy Edouart fit faire le pont de Poissi, que les François avoient despecié, et passa en celle nuit la rivière de Saine, et desconfit la commune d'Amiens, qui gardoient le pas, et en y ot occis plus de deux cens. Après s'en ala le roy Edouart vers Beauvaiz et fist ardre et essiilier tout le pais. Mais en la cité ne peut riens faire, car elle estoit bien fermée, et entour ne laissa onques riens, que il ne feist tout ardre, maisons et abaies. Et quant le roy Phelippe sceut que le roy Edouart avoit faiUi les convenans de la bataille,

1. 5610 porte : à Louviers, où bonne ville avoit, mais desclose estoit, et pourtant fu elle ars et y ot ars plus de ii'" des milleurs maisons et moult de genz perilz grans et petis.

2. ains s'en retournefent à Louviers à l'ost du roy Edouart 5610.