Nygon A, B

car il avoit passé la rivière de Saine , adonc se desloga le roy Phelippe et ala après moût hastivement. Et le roy Edouart chevaucha en essillant tout le pais jusques à Pois et fîst la ville et le chastel ardoir, qui moût estoit fort, mais le sire n'y avoit mis nulle défense. Adonc s'en ala le roy Edouart et passa parmy Araines, et là se arresta et envoya grant foison de ses gens^ sur la rivière de Somme pour trouver passaige, et cil alerent à Hangest, mais riens n'y firent, car ceulz de la ville et du pais^ défendirent bien la ville et le passaige. Lors alerent vers le pont de Remy-', mais riens n'y firent et retournèrent vers le roy Edouart, qui à celé heure ouy nouvelles' que le roy de France le poursuivoit à moût grant ost. Adont laissa le roy Edouart le disner, qui appareillé estoit et se parti moût en haste à tout son ost. Et les François vindrent à Araines, qui trouvèrent rap{)areil et se repeurent. Et les Anglois ardirent Oisemont^ et y tuèrent pluseurs gens du commun, et alerent les Anglois sur la rivière de Somme, au pas de la Blanchetache. A celé heure estoit la mer retraite et la rivière plate, et pou y avoit d'eaue. A ce pas estoit Godemart de Fay, Jehan de Pinquigny et l'Ermite de Caumont et Jehan de Gange, trésorier des guerres, et avoit bien xii"'' combatans. Mais les Anglois entrèrent en l'eaue, qui petite estoit.