du pais manque A

largement et trairent fort de leurs saiettes. Et par especial, quant ilz virent le trait des Genevois amenuisier, ilz trairent si cspessement, que Genevois commancierent à fuir, et pluseurs en y ot de mors et navrez. Et quant les gens d'armes François les virent tourner, il en y ot pluseurs, qui leur coururent seure et en occirent pluseurs. Et quant les Anglois virent ce triboul', ilz saillirent hors de leur charrov et coururent seure aux François et moût les grevèrent et plus de trait que d'autre chose, car les chevaulz des François, qui se sentirent feruz des saiettes, se prindrent à desroier et en chay mors pluseurs. Et lors se prindrent François à desconfire et grant partie enfouy sanz assembler. Lors yssi le roy Edouart de son charroy, et le prince de Gales et le conte de Lenclastre, le conte de Glossestre, le conte de Varvic', le conte de Norhantonne et Godeffroy de Harecourt. Et moût s'avança le prince de Galles, filz du roy Edouart, et Godeffroy de Harecourt d'assembler aux François, tant que on dit que le conte de Flandres print le prince de Gales, mais tost fut secouru^. Et dit on que le roy Phelippe eut deux chevaulz mors soubz lui, mais il fut remonté, et en grant paine l'en peurent emmener Jehan de Hennaut et autres, qui estoient pour son frain , quant ils