ii

et quant François se mistrent à défendre le pas, Godemart du Fay s'en parti o tout ses gens sans coup ferir, et Anglois gaingnerent le pas et y eut mors et pris grant foison de François, et adont tout l'ost des Anglois passèrent la rivière. Et assez tost après le roy Phelippe arriva au pas, mais le flot de la mer vint à celé heure, qui engroissa si l'eaue de Sommet que François n'y peurent passer. Le roy Phelippe à tout son ost ala passer à Abeville , et le roy Edouart iist ardoir et rober tout le pais'^, où il passa, et pluseurs bonnes villes du pais ^ descloses. Et quant le roy Edouart scut que le roy Phelippe le suivoit si prés, il ala loger à Cressy prés de la forest et fist son ost clorre de son charroy, car moût doubtoit la bataille, mais plus detrier ne la povoit, car le roy Phelippe le suivoit de moult prés et à moût grant effort de gens d'armes et autres gens combatans.

Et tant aprocha le roy Phelippe que il vit l'ost du roy Edouart, auquel il desiroit tant d'assembler, que onques par conseil il ne voult atendre ses communes ne grant partie de son ost, qui derrière estoit, et ordonna ses batailles de ses princes et des gens d'armes, qui avec lui estoient. Et tist ii'" Genevois arbalestiers mettre devant, lesquelz trairent ce que ilz avoient de trait, mais pou en avoient avecques eulz, car venuz estoient en haste et leur charroy estoit darriere, par quoy leur trait faillit tantost, et les Anglois furent bien targiez de leur charroy et de fortes haies et d'autre