ajoute : et à Aire le seigneur de Medon

ses ennemis, tant pour les Flamans comme pour les Anglois, qui estoient au siège de Calais.

En ce temps estoit Loys, filz du conte de Flandres, qui estoit mors à Cressi, et en la bonne garde du roy Phelippe estoit, et fut traictiez un mariage du dit Loys et de la fille au duc de Brabant, par si que le duc devoit laissier Taliance du roy Edouart. Et en ce temps ala Loys en Flandres et y fut receuz et obeiz comme sires de ses hommes tant pour lui paier les revenues de la conté, mais point ne vouloient estre de la partie du roy de France. Quant le roy Edouart sceut que Loys estoit receuz en Flandres comme sires et que le duc de Brebant lui vouloit donner sa fille, il doubta par ce traitié perdre l'aliance des Flamans. Lors ala à Gant et assembla le conseil des communes et leur requist que Loys leur sires vousist prendre Ysabel, sa fille, pour l'aliance confermer, et Flamans lui acorderent celle requeste sans le scu de leur seigneur et prindrent journée pour le mariage confermer. Dont s'en ala Edouart au siège devant Calais à ses hommes, et Flamans alerent dire à leur seigneur les convenans, que ilz avoient faites au roy Edouard d'Angleterre. Maislienffesdist que ja ne* l'accorderoit. Adonc mistrent Flamans leur seigneur en prison et le firent estroitement garder, et lui distrent que jamais n'en ystroit jusques à tant que il auroit accordé le mariage.

En ce temps parti GodefTroy de Harecourt de l'ost du roy Edouart de devant Calais et ala au duc de Brabant compter le traitié du roy Edouart et des Flamans. A cellui Godeffroy pourchaça le duc de Brabant sa