CHAPITRE XV
Commeiit le chastel d'Texmesse rendit aux Franchois; de la prinsedes ville et chastel d'Argentan ; et comment le roy deCëcille et son frère yindrent servir le roy de Franche j et du siège qai fast mis <Jevantle Chastel Gaillard.
Le vingt-uniesme jour du mois de septembre , l'an dessusdit quarante-neuf, les comtes de Dunois, de Clermont et de Ne vers, et plusieurs autres, en leur compagnie, meirent le siège devant le chastel d'Yexmes, lequel fust, par les Anglois qui dedans estoient, rendu ; et s'en allèrent, leurs corps et leurs •vies saufs. Ce fait, les Franchois allèrent devant
fi-Ug) DE J. DU CLERCQ. 3l
les ville et chastel d'Argentan , où ils meirent le siège ; et lors les Angloisparlamentèrent. Et quand les bourgeois de dedans veirent les Anglois amusés à pari amen ter, cognoissants que leur vollonté estoit de tenir, contre la cognoissance des Anglois et sans leur sceu, appellèrent aucuns de l'autre costé dont on parlamentoit , et leur demandèrent ungestendart, bannière ou enseigne, leur disants que là ou ils mecteroient l'enseigne . venissent seurement, et les mecteroient dedans la plaôe; et ainsj 4e feirent. Quand les Anglois les appercheurent entrer ens , ils se retournèrent au chastel , et incontinent une bombarde du siège des Franchois tira contremont la muraille d'icelluy chastel , et y feit trou assez grand pour y passer une charrette* Lors les Franchois voyants le mur ainsy abbattu, ils assaillirent le chastel et le prindrent par le trou. Les Anglois de dedans se bouttèrentau donjon; mais assez tost se rendirent , de poeur d'estre prins d'assaut, et s'en allèrent ung baston au poing tant seulement.
En ceste saison estoit le roy de Franche à Louviers, et sa compagnie; vindrent le roy de Cécille, Régner (René), etCharles d'Anjou, comte de Maine, son frère, vers lui; desquels le roy avoit espousé leur sœur ; et amenèrent avecques eux le vicomte de Loumaigne, le comte de Castres, le cadet deLabret, le baron de Traynel , chancellier de Franche ; le sieur deCullant, grand maistre-d'hostel; le comte de Tancarville , le comte de Dampmartin , le ma-
reschaldela Fayette, messire Ferry de Loheren(Lorraine), messire Jean son frère, les sieurs de Blan ville, de Montgascon , de Précigny , de Gaucourt , de Prailly, de la Bessière, deChailly, de Monteil,de Brion,de Beau vois, de Han en Champaigne,d' Aigreville et de Malicorne ; messire Th^aude de Walpergues, messire Jehan du Cigne, messire Louis de la Rochette, messire Robinet d'Estampes, et plusieurs aultres barons, chevalliers et escuyers, jusques au nombre de deux cents lanches et archiers, sans les gens du duc d'AUenchon et ceulx du duc de Bretaigne , et des comtes de Dunois , d'Eu , de Clermont et de Saint-Pol. Toutes ces compagnies venues au service du roy de Franche , le roy feit mettre le siège devant le Chastel Gaillard, qui est moult fort et imprenable ; car il est assis près de la rivière de Saine sur ung rocq . que nuls engins ne poeuvent grever. Lequel siège fust mis par le séneschal de Poitou , le sieur de Jaloignes , marescbal de Franche, messire Jehan de Bresay, Denys de Chailly, et autres , qui à mectre le siège se gouvernoient bravement et vaillamment ; et y estoit le roy en personne.
(i44<)) I»^ '> DC <XEBCQ. 33
