CHAPITRE XXIII

Du siège de Honfleur, et comme elle fust rendue j et def ville et chattel de Ballesmes, que le duc d'Allenchon assiégea et print ^ et de la yille de Fresnay qui se rendit par composition.

Durant le temps que Charles, roy de Franche^ estoit en l*abbaje de Jumièges, le dix-septiesmejour de janvier, Tan quarante-neuf, fust fait le siège de Honfleur par le comte de Dunois et les aultres seigneurs dessus nommés de sa compagnie , lesquels feirent grandes approches de fossés, trenchis et mines, et feirent battre Ja muraille de bombardes, canons et engins volans, tellement que les Anglois qui dedans estoient de trois à quatre cens , dont estoit chief et maistre le susdit Courson , composèrent à rendre icelle ville de Honfleur aulx Franchois, le dix-huistiesme jour de febvrier ensuivant , en cas qu'ils ne seroient secourus , et de ce bailler hostaiges. Pour lesquels combattre les Franchois feirent ordonner de clorre les camps , mais les Atiglois a y vindrent point, pour ce que le duc de Sombreset ne les secourut point , lequel estoit dedans la ville de Caen , laquelle ville il n'osoit désemparer, et aussi ils n'estoient assez forts, s'il ne leur fust venu secours d'Angleterre. Et pour

56 MÉMOIKES (â4{9)

ce rendirent ladite ville et s'en allèrent, leurs corps et biens saufs , en Angleterre. Devant icelle ville fust tué d'ung canon ung escuyer franchois , nommé Regnault Guillaume, qui lors estoit baijly de Montargis , de laquçUe mort fust dommaige. Cependant le duc d'Allanchon assiégea la ville et le chastel de Ballesmes de touts costés ; et lors les Anglois qui dedans estoient promirent de rendre ladite ville au cas que les Franchois ne seroient combattus. Et fust jour assigné. Auquel jour le duc d'Allenchon se gouvetna honorablement et vaillamment; et tint la journée, lui et Poton, sieur de Sainte-Treille, à peu de gens, jusques à ce que l'heure fust passée. A laquelle journée les Anglois ne comparurent point; ains rendirent la ville, leurs corps et biens saufs ; lesquels estoient deux cens combattants, dont estoit capitaine ung nommé Mathago( Mathieu Gough ),

Durant ce temps, le roy estoit logié à une abbaye nommée Gerbertan, àdeux lieues prèsde Ronfleur; lequel roy se parteit pour aller à Essay et Bernay et à Allanchon ; et de là envoya ses gens mectre le siège debvant Fresnay , où estoit dedans de quatre à cinq cens Anglois et Normands , dont estoit gouverneur Andrien Troslot (Trolops) et JanequinBacquier ; lesquels, sitostqu 'ils sceurentla venue des Franchois, promirent rendre la ville moyennant qu'on leur délii^vreroit douze cens solies ; et si leur rendit-on leur capitaine nommé Mon fort, qui avoit esté prins à Pont-eau-de-Mer ; et ainsi fust fait ;

(i45oj - DE J. DU CLERCQ. 67

et s'en allèrent le vingt-dèuxiesme jour de mars , à Falaise et à Caen , leurs corps et leurs biens saufs.