CHAPITRE XXX

Comment le roy de Franche se partist de Fabba^e d^Ardaine et entra en la ville de Caen.

Le sixiesme jour de juillet, Fan mil quatre cent cinquante , se partist le roy de Franche de Tabba^e d'Ardaine pour entrer en la ville de Caen; et monta à cheval accompagné du roy de Cécille, du duc de Calabre son fils , du duc d'AUenchon , des comtes du Maine, de Clermont, deDunois, de Nevers , de Saint-Pol et de Tancarville ; des sieurs de Roy, de Coetivy, admirai de Franche; des mareschauxde Franche etdeBretaigne, et de plusieurs autres grands seigneurs , chevalliers, escuyers, très 'grandement et richement habilliés et vestus; et chevaucha jusques auprès de la ville , atout deux cents archiers devant lui , avecques ses héraux et trompettes , et derrière lui cent lanches. Et là vindrent âu-debvant de luihors de la ville, avecques le comte de Dunois, les bourgeois de la ville , avecques grande multitude de gens ; lesquels, après qu'ils eurent fait la révérence au roy , lui présentèrent les clefs de Ja ville de Caen , et il les receut bénignementi

(liSo) DE J. DU CLSaCQ. j5

Après, vindrent les gens d'église revestus, à grandes processions, ainsy qu'il est accontnmé de faire; puis entra le roy en ladite cité de Caen ; et portèrent le ciel sur lui quatre gentilshommes, chevalliers et escuyers demourants en icelle viUe. Les rues où le roy passoit estoient tendues et couvertes à ciel bravement , et y avoit foison de peuple criant Noël !