CHAPITRE XXXVI

Comment, après que le roy eut conquis tout le pays de la Normandie, il envoya ses gens d'armes en Guyenne ; et des gens de guerre qu'il laissa pour garder ledit pays de Normandie , puis s'en retourna en sa viUe de Tours.

Ainsi, comme dict est ci-dessus, fust reconquesté par le roy de Franche , Charles , septiesme de ce nom, et par les Franchois, la duchié de Normandie , et toutes les villes et chasteaux d'icelle

MOMSTBELET. T. XIL — MÉM. DE J. DU ClERCQ. g

82 MÉMOIRES (i45o)

mis en l'obéissance du roy de Franche, en nng an et six mois, qui peut sembler que ce fust grâce divine que Dieu y entendit; car on n'a peu veu ni sceu que si grand pays fust sitost conquesté ; lequel pays contient six grosses journées de long et quatre journées de large ; et y a dedans pix éveschés , ung archevesque et cent que villes et forts chasteaux , sans ceux qui ont été abattus, destruicts et desmolis par la fortune de guerre, laquelle y avoit duré l'espace de trente, ans, durant les grandes divisions qui a voient esté eh Franche, tant à cause de la mort de Loys, duc d'Orléaqs, qui fuçt occis en l'an quatre cent et sept, en la ville de Paris; et lequel estoit frère du roy Charles sixiesme , comme de la mort de Jehan, duc de Bourgogne, lequel avoit aussi e-^té valliamment occis à Montereau Faut- Yonne, en l'an mil quatre cent dix-neuf; desquelles guerres font mention plusieurs chroniques , de ce parlant, qui en ce temps feurent faictes. On n'a point veu que si grand pays eust esté conquis ensi peu de temps nia moingsd'occision de peuples et de gens d'armes, ni à moings de dommaige, qui peut et doibt tourner à la grande gloire et honneur duroy de Franche dessusdit, des princes et autres sieurs Franchois debvant nommés , et de tous autres qui feurent en la compagnie du roy, aure;*ou- V rement de la duchié dessusdite; et se feit icelle conquesté en l'année des gTands pardons de Rome. Quant le roy de Franche eust , ainsi que dict est, conquis toute la Normandie, il ordonna six cents

(i4^o) DE J. DU CLERCQ. 83

lanches et les archiers, c'est à sçavoir : chacune lanche , deux archiers et un coustelier pour garder icelui pays ; et les autres gens de guerre , il les envoya en Guienne» Puis se parteit le roy du pays de Normandie , et arriva au mois de septembre ensuivant en sa ville de Tours en Tourraine.