CHAPITRE CVI
La descente du seigneur des Querdes au pays de Tourucsis.
Le seigneur des Querdes , accoippagné de cinq cents lances et quatre-vingts piétons ^ envoyés à Gand par le roi de France , se trouva enlour la ville et cité de Tournay , et fut logé à un petit vil*lage assez près, où vint sur le tard ; et envoya deux ofentilshommes et deux héraulx vers les seio^neurs de ladite ville et cité , priant qu*on lui préparast logis. Le conseil de la ville fut assemblé et tenu assez longuement, contre la volonté des expectans; et il fut respondu que l'heure estoit tardive, et appartenoit bien d'assembler plus grand nombre de gens qu'il n'y avoit lors, pour bien en sçavoir et délibérer ; et fut faicte ceste réponse le vendredi sixième de mai.
Le seigneur des Querdes ne se tint à tant, et envoya de rechef deux secrétaires et aulcuns gentilshommes portans flaccons , priant d'avoir du vin ; ce qui leur fut délivré parmi payer argent ; et lost après les seigneurs de la ville leur envoyèrent un inuid de bon vin en buires de pierre; puis s'approcha et laboura fort pour y avoir entrée , ce que ne
peult ; par quoi se logea aux faubourgs Sainct Martin^ en Thostel d'un boulanger ^ el ses gens^k l'environ.
Ce temps pendant ^ arrivèrent en Tournaj aulcuns notables personnages de Gand^ et entre iceulx estoit messire Jehan Deffan , lesquels se tirèrent vers ledit seigneur des Querdes. Iceulx seigneurs de Gand supplièrent très affectueusement auxseigneurs de Tournaj que ledit seigneur des Querdes
peusist avoir logis, lui et son estât , dedans la rille, offrans payer tous despens, si longuement qu*ils j seroient.
A ceste offre ne se voulurent incliner les Toornisiens ; de quoi ledit seigneur des Querdes et ses gens les cueillirent en haine , et dirent aulcunes vilonnies et paroles comminatoires aux prévost et eschevins ; et firent manière de vouloir enforcer les barrières; et Jacques deTrajelle , officier du prévost de la ville fit tirer sur eux de hacquebutes ; si délaissèrent leur emprinse.
Nonobstant ces rudesses, il supplia de rechef avoir entrée à petite compagnie, feindant de faire son pèlerinage à Nostre-Dame. Le conseil tenu sur ceste supplication, fut advisé que s'on lui concédoit l'entrée à petite compagnie , que en entrant elle se multiplieroit, par quoi enfin toutes ses gens y seroient logés. A ceste cause, l'entrée lui fut déniée tolalement ; mais à tant ne cessa sa requeste, car il pria auxdits seigneurs avoir huit cents hallebardes et huit cents paledos à ses cousts et frais.
('4^5) DE JEAW MOLINET. ^25
ce qui lui fut accordé; et lui furent portés de nuict, afin d'étiter le murmure du peuple. Et Tonzième de mai^ Tan susdit, à trois heures du matin , fist desloger son armée des faulxbourgs de Tournaj; et lui ,qui fut le dernier, partant environ dix heures après, fit tirer ses gens vers le pont de pierre ; et passant par Harlebecque se trouva à Courtray.
