G CHRONIQUE

doncques, dechà la rivière coppée entre l'empereur et lui, ordonna ses gens de guerre en deux batailles^ en pareille forme et manière qu'il vouloit qu'ils se maintinssent , quand viendroit au besongner. En la première bataille estoient toutes gens de pied, picquenaires de ses ordonnances, et les archiers anglois, tant de la compagnie messire Jehan de Mildeton , de son hostel et de la garde , que ceux des seigneurs de Fiennes, Reux, Créquy, Hammes, Piënnes, et autres seigneurs fiefvés.

Tous lesquels picquenaires furent entrelassés parmi lesdicts archers , tellement que , entre les deux de eux il y avoit un picquenaire. Et sur l'esle droicte d'iceulx gens de pied , ordonna en un escuadron les hommes d^armes de cheval dudict messire Jehan de Mildeton , et ceulx de la compagnie de Jacques Gaillot ; et pour le renfort de ceste esle, le comte de Campo Basso et -sa compagnie. Et sur l'esle senestre desdicts gens de pied^ ordonna en un escuadron lesdicts seigneurs de Fiennes et leurs hommes d'armes, et le comte de Celane, ensemble sa compagnie; et pour leur renfort, les hommes d'armes des deux compagnies de messire Anthoine et Pierre de Lignane , aussi en ung escuadron. Et ordonna chef de ceste première bataille monseigneur le comte de Chimay, son cousin, conseiller et chambellan ; et pour le mylieu de la seconde bataille', ordonna un escuadron des chambellans et des gentilshommes de sa chambre ; et • pour leur renfort ceulx de la garde, que conduisoit

aussi en un escuadron , assez loing derrière eux , messire Olivier de la Marche, son maistre-d'ostel et capitaine de ladicte garde. Et à la dextre dudict escuadron des channbrelans et des gentilshommes de sa chambre , ordonna tous les archers de sa garde , ensemble tous les archers des compagnies de messire Régnier de Broc-huysen, du seigneurde Chanterenne, George de Menton, Jehan de Longeval , et Régnier de Walperghe ; et pour Tesle de ses chambrelans et gentilshommes de sa chambre^ ordonna ses archers de corps et ceux des compagnies de Phelippe de Berghes et de Phelippe Loyette ; et sur l'esle dexlre desdicts archers , tous les hommes d'armes desdicts Phelippe de Berghes et Phelippe Loyette en un escuadron ; et pour leurs renforts, les gentilshommes des quatre est^s de son hostel, aussi en un escuadron , conduicts par messire Guillard de Sainct-seigne , son maistre d'hostel , et par les chefs desdits quatre estats ; laquelle bataille fut conduicte par le seigneur de Humbercourt , son conseiller et chambrelan , comme chef, tenant le lieu du cojnte de Joigny , et par le seigneur de Bievres.

Ces batailles subtillement ordonnées > passèrent la rivière à un estroict guet , assez dur et de bon fond. Pareillement son artillerie , serpentines , courtaux et bombardes, en nombre de cinquante, passèrent après lesdites batailles par-dessus un pont, assez près dudict guet. Et pour ce que le bout du camp de l'empereur, endossé du Rin,