CHAPITRE XXII

Le très dur rencontre qui survint à cause du parlement des deux parties.

Ja- SOIT-CE que le traicté etappoinctement d'entre Tempereur, les électeurs et princes d'Allemaigne, d'une part, et le duc Charles d'aultre , fut honnorablement faict et conclud, et juré à tenir ferme et stable, sur peine d'excommunication, et que l'empereur et le duc , ensemble leur ost , se debvoient partir toute à une heure, toutes-fois grant parlement se tint pour le département d'un chacun ost; car chacun d'eux, selon sa dignité et vocation ou action , vouloit tenir sa gravité , souverainement le duc Charles, qui festoit fort magnanime. Advint durant ce parlement, que les AUemans, oultre le Rin , prindrent, détindrent et robèrent aulcuns bateaux, èsquels le duc, pour complaire à l'empereur, avoit fait charger partie de sa grosse artillerie pour retirer en pays. Pareillement aulcuns aiiltres bateaux lui furent pillés et bruslés, qui estoient à terre; pourquoi le duc, fort mal content de ces mesus , délibéra non lever ses batailles jusques il avoit restitution et réparation condigne. Pour laquelle faire, le légat employa toutes ses puissances ; se n'y prouiSta guère. Le duc , qui lousjours estoit sur sa garde , soi eslongeant, s'ar resta sur une petite motte, de laquelle il voyoit l'ost de l'empereur ; et en personne assist son guet de jour , le vingt-sixième de juing , trop

('4:5) DE JEAN MOLINET. l5j

près du camp des Allemaos, à l'appetise d'aulcuns de ceux de Tost , comme ils monstrèrent depuis ; car ce jour mesmes , environ six heures ou sept du vespre , se partirent aulcuns de l'ost de l'empereur et de son camp , en assez bonne puissance , faindans d'aller esbattre; mais de propos délibéré et préagité , commenchèrent à tirer très fort de leur artillerie sur ledit guet; mesmes plusieurs gens de cheval s'eflForchèrent de charger sus; lequel guet, combien qu'il fust en petit nombre, soutenoit à son possible. Le duc adverti de ceste manière de faire, voyant la puissance des ÂUemans multiplier cegrant eflFort et approcher fil à fil , tant de cheval comme à pied , proposa de tirer celle part, et envoya ceulx de sa garde qui trescoppèrent une rivierette, laquelle, à la première bataille de l'empereur, avoit esté passée ; et voyant les AUemans se disposer du tout de ruer jus ses Bourguignons, fil tirer après ceulx de sa garde , les gentilshommes de son hostel, et partie des compagnies de ses ordonnances ; et le surplus d'icelles , avecques ses gens de pied, tirèrent en ungcamp vers la ville de Nusse, afin que les ennemis de ce quartier ne fissent quelque emprinse sur eux.

Le duc, voyant grosses escarmouches convertir en petites batailles , lesquelles se enforcèrent d'ung <îOsté et d'aultre, passa en sa personne une petite rivière ^ pour hasler sa venue ; duquel ses gens furent surprins d'un si courageux ardement, qu'ils marchèrent surles adversaires tantvivement, qu'ils en encloirent entre lui et le camp de Icmpereur ,

l38 CHaOJSlQUES («475>

la somme de trois à quatre mill^, tant de pied comme de cheval ; et furent si rudement poursuivis des Bourguignons, tant par-devant que de costé, à cause du Rin qulls avoient endossé , qu'ils demeurèrent morts, tant sur terre que sur eaue, environ trois mille, Aulcuns montèrent en bateaux pour eux sauver , en telle multitude qu'ils enfoncèrent et furent noyés ; les aultres furent chassés jusques à leur camp , aux fers des lances et aux poinctes. des espées, où plusieurs gentils rustres d'AUemaigne furent rompus et desfaicts ; entre lesquels fut recueilli occis et tué de coup de main, le noble comte de Quierburch.

Geste besongne fut conduicte, de la part du duc^ sans quelque artillerie et sans guères de perte , sinon de cinq ou six morts et autant de bleschés, entre lesquels fut le vicomte de Soissons, le nepveu de monseigneur deChantereine et ung archer de corps. Le duc sentant l'obscurité de la nuict approcher , vojant la lune toute levée, et que les Allemans vuidèrent hors de leur closture, où ils se tenoient très serrés , fit à son bel aise retirer ses batailles, lesquels avoient plus grand voUoir d'assaillir que de dormir. Une heure après , l'empereur, ensemble les princes électeurs^ envoyèrent vers leducobtenir licence de recueillir leurs morts, requérant d'envoyer certains députés pour ordonner le séparément des deux puissances, et pour traicter de la restitution de son artillerie ; ce que le duc accorda libérallement , par tel si que ses engins , que les rustres de guerre lui avoient robes et

(»475) DE JEAN MOLINET. iSq

pillés , lui seroient restitués; et pour les racheter, les princes d'Allemaigne se taillèrent ; et ce tout parachevé, s'en retournèrent en leur marche.