CHAPITRE XXI
Appoinctemement de le ville de ïiuMe.
Durant le temps desdites trêves, qui furent de trois jours^ traictié fut parle légat trouvé au contentement desdites parties , par lequel la ville de Nusse debvoit demourer es mains dudict légat, sans prendre préjudice des droits impériaulx, et le différent d'icelle debvoit eslre réservé en l'ordonnance de nostre sainct-père. Et parce moyen, après avoir souffert inlollérable pestilence de guerre^ tenant tousjours pied ferme, et résistant à tous assaux, fut dessiégée à son grant loz , honneur et gloire, le plus recommandé de jamais, parle conseil prudent et saige de ceulx qui avoient l'administration de sa police. Ils avoient au jour de cesl appoiuctement assez de bled pour ung an, vin de
('47^) DE JEAN MOLTNET. l55
Rin, malvoisie et bierre largement; nulle chair n'avoient, sinon de cheval, desquels il en y avoit douze, et encoires les quatre estoient empeschés à tourner les moulins ; toute douceur de laitaiges , beurre, fromages, œufs etfruicts. Sitost que quel qu'un estoit navré , il périssoit par faulte de médecine. Les rustres prendoient leurs vivres chacun jour à Tostel de Tarchevesque , et le menu peuple à deux bourgeois de la ville, qui journellement leur faisoient administrer leurs nécessités.
De quatorze à quinze cens hommes de deflPence, rustres et aultres qui estoient en Nusse au jour qu'elle fut assiégée, n'y estoient demourés que cinq cens ou environ ; et estoient morts durant le siège, que de gens de guerre , que de bourgeois et aultre menu peuple, femmes et enfans^ environ trois mille. De ce jour en avant , par cest appoinctement , se trouvoient ceux de la ville en l'ost du duc, pour acheter ce que mieux leur duisoit. Et de faict trouvèrent subtile voie d'amasser pouldre de canon, sur espoir de rebeller, comme dessus; mais tout fut ra^ubé ; car pareillement ceux de l'ost entroient en Nusse , faindant d'aller en pèlerinage à Saint-Quirin , pour regarder la disposition de la ville ; et se donnoient grand merveille que si long-temps s'estoient tenus contre sa fière puissance.
ff
l36 CHRONIQUES ('475)
