CHAPITRE CCXIX
La prinse da chasteau de Genape et d'auttres places à l'eimron, et d'une course que firent Flamengs au pays de Hainauk.
Au commencement du mois de juillet, aulcuns capitaines de la garnison de Nyvelle widèrent de leur fort , furnis de traict à pouldre , sur intention de prendre la ville de Monz. Le duc de Zassen , adverti de leur faict , amassa gens de guerre , si les joindit à la bende du prince de Ghimay ; envoya soudainement héraulx parles bonnes villes de Haynault, pour recouvrer gens, argent et pouldre , ainsi qui lui avoit esté promis par telle condition qu'ils debvoient raectre le siège devant Ny velle. Aulcuns des bonnes villes , comme ceulx de Mon* et aultres , firent bon debvoir de satisfaire à la promesse ; aultres le misrent à nonchalloir.
48 CHRONIQUES l l Wl
Toutes fois , les deux princes dessusdits remédièrent tant subtillement et à grand diligence , que ceulx de Nyvelles furent frustrez de leurs emprinse, et que plus est , furent par i ceulx prinses , réduictes par force d'armes en l'obéissance du roy , certaines places , lesquelles portoient grant domaige aux Bourguignons , comme les chasteaulx de Zebfel et Rebecq , la tour de Meneme , Borguiva et aultres menus fors. Et finablement se trouvèrent devant le cbasteau de Genappe , en nombre de trois à quatre mille , où tout chauldement plantèrent le siège.
Genappe donnait grant subside aux Njvellois ; c'estoit une forteresse avironnée d'eau we, garnie de traicts à pouldre et de quatre-vingts et dix hommes de guerre, don taulcuns estoient Franchois et avoient capitaine le bastard de S te Colombe , aultres estoient à monseigneur Philippe ; desquels ung appelé Richard estoit le chief. Entre eulx estoit une gouge qui faisoit merveille de traict à pouldre ; car guaires ne failloit d'attaindre son homme,et epattaindit onze oudouzequidemorèrent morts sur le bord des fosse ts; néanmoings ils furent bastus de mortiers et aultres bastons tant angoisseusement qu'ils doubtèrent avoir l'assault. Ils commenchèrent à parlementer , se ne pèulrent trouver accord. Et incontinent le duc de Zassen leur fit oster l'eau we des fosse ts, ensemble l'eauwe de leurs puits, tellement que les poissons demeurèrent sur le brocq, habandonnez aulxpaiges, puis manda hastivement la grosse bombarde de Namur , comme
pour les bouter au dernier sacrement. Les assiégez voyant l'extrême diligence qu'ils prenoient de les avoir, considéra ns que secours ne leur donnoit approche , et que possible ne leur estoit longuement tenir , à cause de certaine indigence qu'ils avoient de vivres, requirent à parlementer, et offrirent à rendre la place, moyennant qu'ils auroient les viessaulves, leurs bagbes et trois prisonniers à leur volunté , sur quoi fut accordé que ceulx de langue franchoise seroient mis à renchon parmi paiant le quart de leurs gaiges , les aultres seroient au bon plaisir du duc de Zassen , et les prisonniers demoureroient. Et par cest appoinctement faict le huitième de juillet , après avoir soustenu quatre jours le siège , partirent de Gennappe, où ils laissèrent onze prisonniers , et Loys de Vaulray y entra, accompaigné de cent chevaulx.
La garnison de Nivelle, fort déplaisante de cesle reddition , sachans que ceulx de Mons avoient livré la pouldre des gros engiens, yssit hors de son fort, et à grosse compaignie de gens d'armes , brusla aulcuns hameaulx , censés et maisons à eulx appartenants ; et d'aultre lètz, Flamengs et Franchois , tenant leur parti , cognoissans aulcunement que la paix se forgeoit à Francqufort , et que la voix courait de publier abstinence de guerre , proposèrent , avant paix crier , de faire une course en Haynault , de piller , brusler et ravir tout ce que tenir pourraient , et se mirent sus à grand puissance comme jamais n'avoient esté durant ceste
Chromiqtjes. T. XLFI. — J. Molihkt. IV. 4
5o dHàoisiQUÈS t 1 * 8 ^
guerre. Et de fait messire Adrien de ftazenghien , Philippe, bastard de Bourgongne, Coppevolle et aultres capitaines Franchois , accompaigniés de six à huit cents chevaulx , et aultant de piétons, passèrent , leurs estandards desployez , devant la ville de Grandmont, furhis de charrois, inenans artillerie et eschielles, avec instrumens propices pour assaillir et escheller villes.
Or est ainsi que , sur espérance de la paix que l'on disoit eslre faicte , les paisans s'estoient tirés aulx champs pour recoeiller leurs biens. Si ne se donnoient garde de ceste course ï et quand ils percheurent ceste grand assemblée , ils disoient que la paix estoit comme faicte , et que les Franchois s'en retiroient à leurs marches ; mais ils approchèrent les Hannuyers de plus près que paravant. Àulcuns d'eulx se trouvèrent de nuict devant la ville de Lessines , se devallèrent es fossets, dreschèrent eschielles contre la muraille , la cuidant gaigner d'emblée : mais soudainement s'esleva ung grand oraige d'esclistre , de pluie , et de tonnoire , tant horrible et cruel , qu'ils furent constraints de cesser leur emprise, se boutèrent en une grange auprès des portes. Le guet oit le clicquetis de leurs harnois ; grande alarme , s'esleva en la ville, chacun se tira à sa garde. L'on tira tellement, que l'ung d'eulx eut une jambe emportée detraict à pouldre. L'embusche descouverte, Flamengs se desfoucquerent , lesquels moult desplaisans de leur fauste , se partirent fort anuiez , pillèrent et bruslèreitt les
04*9) DB JEAN JMOLINBT. 5l
villages de Acren, Flobecq, Wandecq, L^Hamede, Qgy , Goy , Soteaghien et aultres , et dura leur course jusques aux barrières d'Àth, en laquelle ils prindrent de trois à quatre cents hommes de chevaulx , de vaches environ deux mille , et quand les femmes des villaiges leur disoient : « Il sera » bonne paix, il est abstinence de guerre , Ton a » defiendu le courre etc., » les Franchois respondirent : « Nous allons tout bellement , Ton n'a » poinct defiendu le prendre. »
Ce temps pendant le duc de Zassen print la ville de Tillemont, laquelle il trouva bien garnie ; et le prince de Chimay , print d'assault une forte esglise , où il y avoît cinquante compagnons , qui moult grévoient les Namurois. Le capitaine nommé Le Boef fut prisonnier, et ses complices occis. En ceste année et aulcuns ans auparavant, se trou voient en la citédeCambray, laquelle estoit neuslre, gens d'armes franchois et bourguignons, bu voient et mengeoient par les tavernes, faisans grant chière ensemble comme frères , puis au départir hors de la ville , agueltoient Fung l'auitre comme ennemis, battoient les ungs et prendoient les aultres, et enmenoient les ungs et remenoient les aultres prisonniers. Ung petit avant la paix publiée , couroit telle désordre es monnoies par billonneurs et paiemens de gens d'armes des frontières , que ung denier valloit trois et demi , ung patart forgé pour deux gros de Flandres valloit sept gros au lieu de dix livres et demye , et avecq ce tous vivres estoient
en grande chierté, sinon le bled et menus fruicts, qui moult subvenoient aux poures gens , et brief *toute fraulde et déception , barats , tyrannies , oppressions , force, inimitié et rapines regnoient es pays d'amis et d'ennemis par gens de maulvaise volunté , quant les très illustres et très vertueux princes labeuroient au bien de paix, laquelle Dieu , par sa divine clémence , envoya entre les roys concleuse et faicte en la ville de Francqtfort , parla manière qui s'ensuit.
