CHAPITRE CCVIII

Le tié^e de Sainct-Tron.

En ce saine t temps de grâce et de réconcilia ti on, que nostre mère Saincte-Esglise célébrait la solemp* nité de Pâques , où toutes rigueurs se debvoient ap~ paisier, oublier, et mectre sous pieds , les nobles du pays du roy et de monseigneur l'archiduc son fils, qui debvoient estre en amiable concordance , estaient par lasubjection de l'ennemi, plus enclins et animez aulx exploits de guerre mauldtete que en aultre temps, et advint que monseigneur Philippe de Clèves , Gracien de Guerre , et aultres conducteur» et capitaines de leur parti, firent amas de Franchois , Liégeois , à cheval et à pied , menans grosse artillerie , en espérance d'emporter la ville de Sainct-Tron , où estoit Tévesque de Liège , fort expérimenté de la guerre , bien accoustré et accompaigné pour résister à leur emprinse. Néantmoins , le siège y fut planté , le vendredi de graqd Pasques. La ville fut horriblement battue et bersaudée d'engiens à pouldre; mais aussi fut-elle

Chroniques. T. XLV1. — J. Mounbt. IV. \

vigoreusement deffendue. Si que les assiégeans riens ne gaignèrent ; car quant vint à donner l'assault , une grande altercation s'esmeut entre les paysans, piétons et les hommes d'armes, pour encommencher et avoir l'honneur de ceste besongne. Les routiers de guerre volloient constraindre les poures paysans de rampera la muraille, disans qu'ils acquéreroient le plus grant honneur que jamais eurent petits compaignons, et qu'ils seroient tous riches ; et iceulx respondirent que de tel honneur se passeroient bien; mais eulx qui estoient fort convoiteux de l'avoir, comme tous nourris et fort stillés dumestier d'armes, debvoient commencher la danse , donner train et monstrer la voie , pour en venir à glorieuse fin. Et ainsi qu'ils disputoient de ceste matière, soubdainement s'éleva une voix, que le duc de Zassen , à grosse puissance de gens d'armes , donnoit approce pour lever le siège. De ceste voix fut l'estrif accoisié, et furent capitaines, gentilshommes, paysans et villains , tant effrayez et perplexes , que sans plus avant férir ne lancher, ils se tournèrent en fuite, et ne sceurent si tellement recoeiller leur artillerie, qu'il n'y demoura ung courteau et deux manteaulx.

('4*9) DE JEAH MOLINRT.