CHAPITRE CCIX
Defaicte de la garnison de LiLerke par ceulx de Lessines.
La garnison de Likerke, qui moult oppressoit les places voisines tenant le parti du roy des Romains , de monseigneur l'archiduc son fils, délibérèrent de piller ung gros villaige nommé Acres, situé entre Grantmont et Lessines; et pour plus asseu rément achever leur emprinse, sans avoir reboutement , envoyèrent cauteleusement deux femmes de leur parti vendre beurre au marché de Lessines, affin d'espier et sça voir quels capitaines et gens de guerre se tenaient lors en la ville; et firent leur rapport à ceulx de Likerke, que Anthoine de Mas tain g et Andrien son frère, auxquels principalement la garde d'icelle en appartenoit, s'estoient tirés avec le duc de Zassen et la pluspart de leur bande, pour dessiéger la ville de Sainct-Tron. De ceste nouvelle furentfort joyeulx ceulx de Likerke, pensans accomplir leur désir nettement sans quelques repuise , et advint que par ung mercredi, pénultième d'apvril, se partirent de leur fort environ soixante chevaulx etmieulxde trois à quatre eens piétons, arbalestriers et picquenaires,lesquels se trouvèrent à Acres, environ heure demynuict. Si commenchèrent de prime venue de bouter les feux en ung quartier nommé la Tourelle, gisant à la poterie, et de faict allumèrent trois ou quatre maisons , surprindrent les
gens en leurs licts , saisirent hommes prisonniers, chargèrent butin , emmenèrent chevaulx, jumens et vaches , et pillèrent la ville à tous costez.
L'un des manans , durement resveillé de ce gros , terrible et soudain esfroi, sortit hors de sa maison par une fenestre , à telle haste que à grande paine eut loisir de vestir sa chemise , et à très grande diligence vint noncher à ceulx de Lessines la venue de ceulx de Likerke , dont ils furent fort esbahis ; car ils se sentoient en leur ville despourveuz de gens de guerre; mais par cas d'adventure , Andrien de Mastaing estoit ce même soir retourné de son voiaige où le duc de Zassen le vouloit mener ; lequel bien adverti de ladite emprinse parmi la clarté du feu , qui en donna tesmoignage , sans plus prendre de repos , mit mains aux armes , fit seller vingt ou trente chevaulx , car guaires n'en y avoit en la ville , fit habiller et monter ses gens , et cinquante piètonsde Lessines , et aultant de paysans des villaiges de l'environ , ensemble une trompette de Lisle , qui lors estoit illecq logié , tous esprins de grand hardement et de très bonne conduicte selon le train de la guerre , se partirent d'illecq , et se trouvèrent à Acres en face de leurs ennemis ; qui de riens ne se doubtoient ; car lors estoit une grosse espesse bruime, par quoi ne peulrent sitost cognoistre leur venue. La première salutation qui leur fut faicte, fut la trompette, qui sonna dedens , dedens. Et adonc Likerkois se mirent en belle ordonnance, Franchois, Flamengs, Bra-
('4*9) DE JEAN MOLIWET. $
banchons , chevaulcheurs et piétons , et pour rendre à leur salutation, crenequiniers servirent ceulx de Lessines de cinquante viretons tous à une fois, et n'y eut de ce traict que un seul homme mort et trois ou quatre navrez ; et nonobstant les aultres firent si bon debvoir , par force d'armes et exploicts de guerre , qu'ils mirent leurs ennemis en desroy, recovrèrent prisonniers , bestail et butin , prindrent FJamengs et Franchois à ranchon , qui crioient : «Noblesse! noblesse! gentillesse! je me rends! » les aultres crioient : «Nous sommes mallement trahis » . Si furent mis à telle desconfiture , et si angoisseusement chargiez de horrions, qu'ils furent contraincts de h abandonner leurs proies, et tournèrent le dos , et furent tant vivement poursuivis par ceulx de Lessines et d'Acres, qui estoient à demi ravigorez , qu'en passant par Môrbecke le Vieulx- Mont et le bois de la Ripaille , i& furent esparpillez, deslaicts, ruez jus et occis en nombre de cent à six-vingts , et cinquante-deux demorèrent prisonniers. Et pour signe de victoire leur estandart fut apporté en Tesglise de Lessines , dont les habitans d'icelle furent grandement joyeulx , et les bleschiez de ce rencontre demorèrent en l'hospital de Viane demi morts. Le principal de ceste emprinse fut ung Espaignol , nommé Francisquez , bon routier de guerre , lequel en son temps avoit esté lieutenant de Chantereine , et donna tel coraige à ceulx de Lessines, qu'ils parvindrentà chief de ceste besongne.
