CHAPITRE CCXXV
La résignation et don que fit de ses pays et seigneuries le duc Sigismond d'Anstrice à son nepyeu Maximilian , roi des Romains.
Le seiziesme jour du mois de march , le duc Sigismond d' Austrice , eagié de quatre-vingts ans ou plus , par le consentement de l'empereur Frederick , son frère , des très illustres et puissants princes d'Aile mai gne , se dessaisit de sa ducé d 'Austrice et de ses pays, seigneuries et appendances, si les donna et résigna, et en advestit le rov des Romains , son nepveu , comme son futur héritier, parmi certaines pensions qu'il retint et réserva
(»4&>) DE JBAN MOLINET. gt
pour l'entre tellement de lui et de madame sa femme. La possession desdits pays prinse par le roy , les seigneurs , officiers, obeissans et subjects d'iceulx lui firent serment ; et le duc Sigismond , son oncle, leur quitta tous serments que paravant avoient faicts. Semblablement pour lui faire serment, se partirent d'un villaige nommé Suathz, environ mille hommes , besongnans continuellement es mines d'argent et aultres métaulx ; et après le serment faict , le roy leur donna mil florins pour aller boire. Le vingt-sixiesme jour ensuivant , le comte de Gortz, fort anchien et grant terrier , duquel les seigneuries marchissoient es limites des iFûrcqs et des Vénissiens , arriva vers le roy , et pour ce que ledit co nte est oit sans hoirs de sa chair , et que lesdites seigneuries debvoient , après sa mort , retourner à l'empereur , il voelt semblablement ad vestir le roy de sadite comté. Plusieurs triumphes , joustes et tournois furent faicts à Ispruch en ces jours ^ qui seroient longs à mectre en compte. En ce mesme temps de quaresme fut prinse M Blancqberg une grande et merveilleuse balai ne.
constraincts de payer six livres ; et ceulx qui se muehèrenten refusant argent , tendirent les uiains avant pour recepvoir le payement» Si fut adjousté en la criée une telle condition, que tous ceulx qui avoient fait leurs debtes avant ladite publication, auroient ung mois de induce pour payer à haulte monnoye ; et se ils n'avoient satisfait en dedans ledit mois , ils estoient tenu les payer à la basse monnoye, et par ainsi tous ceulx qui debvoient rentes héritables, censés, louaiges de maison et aultres debtes escheutes au Noël, payeroient le tierch avant qu'il leur venoit à grand contraire ; pourquoi le poure peuple fut aguillonné de grand dangier; car nul ne voloit mectte avant sa monnoie coursable , espérant qu'elle remonteroit; et ne trouvoit-on billonneur qui voulsist accepter celle qui estoit deffendue. Ceulx de Tournay , voyans ce grand trouble es pays , que soudainement s'estoit faicte ceste mutatipn, rabaissèrent aussi leurs monnoyes , non poinct au tierch , mais à moictié, et par ce poinct aulcuns manants des pays portaient illecq secrètement leur billon pour leur prouffit. Aulcuns aultres avoient de longtemps faict leur amas de petits gros et hallebardes par milliers en petits vaisseaulx, cuidans qu'ils deussent plustost monter que descendre ; mais ils furent fort desplaisants et mélancolieux , quand ils les virent humiliez et estimez de si petite vaileur, et finalement grands litiges, altercations et procès s'esm eurent entre les subjects des pays à cause des-
04*9) DE JEAN MOLINET. 8l
dictes monuoyes , que les constracls et m arche tz qui s'estoient faicts entre eulx avant la publication, d'icelles, dont les différents durent encorespendans au clou, et ne seront widés d'ici à dix ans.
